Մեքենաներից գողությունների խնդիր ունենք ավելի շատ Երևան քաղաքում, որը մեզ շատ անհանգստացնում է:
Այս մասին ԱԺ Պաշտպանության և անվտանգության հարցերի մշտական հանձնաժողովի նախաձեռնած «Ճանապարհային երթևեկության անվտանգությունը ՀՀ-ում» թեմայով խորհրդարանական լսումների ժամանակ ասաց ՀՀ ոստիկանապետ Արամ Հովհաննիսյանը:
«Տասնյակ խմբեր ունենք հայտնաբերված, որոնք մեծ թվով գողություններ են կատարում: Մենք ներկայացնում ենք նախաքննական մարմիններ, վարույթներ, և տվյալ քաղաքացիները ներկա պահին նորից շարունակում են իրենց սև գործը:
Բայց ոստիկանությունը տվյալ խնդրի հետ կապված ծառայություն է իրականացնում, նաև լրացուցիչ ծառայություն՝ գիշերային ժամերին»,- ասաց նա:
«Քաղաքացիական պայմանագիր» խմբակցության պատգամավոր Արմեն Խաչատրյանը տեղեկացրեց, որ օրենսդրական նախաձեռնություն է դրվել շրջանառության մեջ, շուտով կմտնի Ազգային ժողով, համաձայն որի՝ տրանսպորտային միջոցներից կատարված գողությունը կդառնա «որակյալ» հանցակազմ, ինչն էլ խնդրի դեմ ավելի արդյունավետ պայքարելու հնարավորություն կտա:
Բաց մի թողեք
Ծեծկռտուք՝ Արմավիրի մարզում․ 53-ամյա տղամարդուն երեք հոգով «BMW» մակնիշի ավտոմեքենայով տեղափոխել են այլ վայր, ապա երեխաների ներկայությամբ ծեծի են ենթարկել
Կրակոցներ՝ Արարատի մարզում․ Վեդիում 26-ամյա տղամարդը տանը` իրեն պատկանող ատրճանակով, մի քանի կրակոց է արձակել
Սեւանի սկանդալային սպանության գործով Նորատուսցի Արայի որդին արդարացվեց ամենածանր հոդվածներով