Ռոսավիացիան սահմանափակում է թռիչքները. 2025 թ. հուլիսի 19-ին The Moscow Times-ը հաղորդում է, որ ուկրաինական անօդաչու թռչող սարքերը (ԱԹՍ) արդեն երրորդ օրն անընդմեջ թիրախավորում են Մոսկվայի շրջանը։
Այս մասին ֆեյսբուքյան իր էջում գրել է Հրայր Թամրազյանը։
Մոսկվայի քաղաքապետ Սերգեյ Սոբյանինը տեղեկացրել է, որ երեկոյան ընդամենը կես ժամվա ընթացքում ռուսական հակաօդային պաշտպանության ուժերը խոցել են երեք ԱԹՍ։ Նախօրեին՝ հուլիսի 18-ին, նույնպես հաղորդվել էր 13 ԱԹՍ-ի վնասման մասին։ Ըստ Ռուսաստանի Պաշտպանության նախարարության՝ վերջին երեք օրում Մոսկվայի ուղղությամբ ոչնչացվել է մոտ 50 ուկրաինական ԱԹՍ։
Հարվածների ֆոնին Ռոսավիացիան ակտիվացրել է «Կովյոր» պլանը (ռուս․ «Ковёр»), որը ենթադրում է թռիչքների ժամանակավոր արգելք անվտանգության նկատառումներով։ Թռիչքները դադարեցվել են Դոմոդեդովոյի, Վնուկովոյի, Շերեմետևոյի և Կալուգայի օդանավակայաններում։
Հարվածների հետևանքներն զգացվել են նաև Ռոստովի մարզում, որտեղ ԱԹՍ-ի բեկորները վնասել են երկաթուղային ենթակառուցվածք՝ խաթարելով երթևեկությունը։ Ուղևորները բողոքում են ժամերով կանգնած մնալուց՝ շոգ վագոններում առանց օդորակման։
Այս ֆոնին Ռոսավիացիան նաև սպառնացել է Turkish Airlines-ին պատժամիջոցներով, երբ Վնուկովոյից մեկնող ուղևորները գրեթե մեկ օր սպասել են օդանավակայանում՝ առանց պատշաճ ծառայությունների։
Բաց մի թողեք
«Ամերիկան կրկին կարդացած դարձրեք». Վենետիկի ցուցարարները ԱՄՆ դեսպանին դիմավորեցին բողոքի ցուցանակներով
Ծովային ծառայություններ ռուսական նավթատարների համար
ԵՄ-ն հայտարարում է, որ Հունգարիայում օրենքի գերակայությունը ցույց է տալիս «արմատական փոփոխություն» Մադյարի օրոք