Հայաստանում ԵՄ դիտորդական առաքելությունը կշարունակի իր գործունեությունը, դրա մանդատի հնարավոր փոփոխությունները կքննարկվեն Երևանի և Բրյուսելի միջև։
Այս մասին ադրբեջանական Report-ին ասել է ԵՄ արտաքին քաղաքականության հարցերով պաշտոնական ներկայացուցիչ Անիտա Հիփերը։
«Առաքելության լիազորությունների մեջ է մտնում՝ հետևել և հաշվետվություն ներկայացնել հայ-ադրբեջանական սահմանի հայկական կողմում տեղում ստեղծված իրավիճակի վերաբերյալ»,- ասել է ԵՄ ներկայացուցիչը։
Նա հավելել է՝ Եվրամիությունը ողջունում է Ադրբեջանի և Հայաստանի միջև խաղաղության պայմանագրի նախաստորագրումը և կոչ է անում կողմերին հնարավորինս շուտ ստորագրել և վավերացնել այն։
Հայաստանում ԵՄ դիտորդական առաքելությունը հյուրընկալել է Հայաստանում Չեխիայի Հանրապետության դեսպանատան երկու հյուրի:
«Մենք ուրախ էինք հյուրընկալել Հայաստանում Չեխիայի Հանրապետության դեսպանատան երկու հյուրին՝ առաքելության ղեկավարի տեղակալ Սաբինա Նովակովային և նրա գործընկեր Ադամ Պեշուտին: Այցի ընթացքում նրանք միացան Խաչիկ գյուղի պարեկին, որպեսզի իրենց աչքերով տեսնեն մեր աշխատանքը տեղում։ Մենք ակնկալում ենք շարունակել համագործակցությունը»,- նշված է ԵՄ դիտորդական առաքելության Իքսի էջում:
Բաց մի թողեք
Ֆրանսիայի վարչապետը հրահանգել է սահմանել «տեղային» պարետային ժամեր՝ ի պատասխան թալանի և անկարգությունների
ՄԱԿ-ի պարենային օգնության ղեկավարը զգուշացնում է, որ զարգացման կրճատումների պատճառով վտանգված են ԵՄ-ի «վստահությունն» ու «լծակները»
Ռուսական թոքաբորբից մահը բացահայտում է միջազգային առողջապահական կանոնների սահմանները