«Ալյասկայում ԱՄՆ-ի և Ռուսաստանի նախագահների հանդիպման ժամանակ Ուկրաինայի կարգավորման հարցում որոշակի ընդհանուր լեզու գտնվել է, ԱՄՆ նախագահ Դոնալդ Թրամփը բարձրացրել է այս հարցերը իր ուկրաինացի գործընկեր Վլադիմիր Զելենսկու հետ հանդիպման ժամանակ, սակայն նա մերժել է դրանք»:
Այս մասին NBC-ին տված հարցազրույցում ասել է Ռուսաստանի արտաքին գործերի նախարար Սերգեյ Լավրովը։
«Բոլորի համար ակնհայտ էր, որ կան մի քանի սկզբունքներ, որոնք, Վաշինգտոնի կարծիքով, պետք է ընդունվեն, այդ թվում՝ Ուկրաինայի՝ ՆԱՏՕ-ին անդամակցելուց հրաժարվելը, տարածքային հարցերի քննարկումը, Զելենսկին «ոչ» է ասել բոլորին», – ասել է նախարարը։
Նա հավելել է, որ Ուկրաինայի առաջնորդը նաև հրաժարվել է չեղարկել «ռուսաց լեզուն արգելող օրենսդրությունը»։
Ալյասկայում կայացած գագաթնաժողովում, ինչպես նշել է Լավրովը, Ռուսաստանը «ճկունություն» է ցուցաբերել Թրամփի որոշ առաջարկների վերաբերյալ։ Նա չի նշել, թե որոնք են դրանք։
Նախարարը կրկին հիշեցրել է նաև Զելենսկու ոչ լեգիտիմ լինելու մասին (ըստ Ռուսաստանի)։
«Ինչպե՞ս կարող ենք հանդիպել մի մարդու հետ, որը ձևանում է առաջնորդ», – հարցրել է նա՝ նկատի ունենալով այն փաստը, որ նախագահի լիազորությունների ժամկետն ավարտվել է անցյալ տարվա մայիսին, և ընտրություններ չեն եղել։
Բաց մի թողեք
Թրամփի բանագնաց Ուիթքոֆը Օսլոյում կհանդիպի Զելենսկիի հետ՝ նախքան Մոսկվայում Պուտինի հետ նախատեսված բանակցությունները
Ստորջրյա կապի մալուխները կարող են դառնալ Իրանի նոր թիրախները․ ԻՀՊԿ գեներալ
ԱՄՆ-ն՝ համաշխարհային «ոստիկա՞ն»․ Կաստրոյին կալանավորելու օրդեր են տվել