Արցախի Հանրապետության դեմ պատերազմում մեծ ավանդ է ունեցել նաև Պակիստանը, որը սերտ դաշնակցային հարաբերություններ ունի Թուրքիայի և Ադրբեջանի հետ:
Այս օրերին Չինաստանում ընթանում է Շանհայի համագործակցության հերթական նստաշրջանը, որտեղ Հայաստանի բարեկամ պետությունը՝ Հնդկաստանը, արգելափակել է Ադրբեջանի՝ ՇՀԿ-ին անդամակցության հայտը՝ Պակիստանի հետ սերտ համագործակցության համար:
Հիշեցնենք, որ Թուրքիան և Ադրբեջանը պաշտպանում են Պակիստանին՝ Քաշմիրի հարցում: Հիշեցնենք նաև, որ այս իշխանությունները բոլոր խոսափողերով գոռում-գոչում էին Հնդկաստանի հետ իրենց ռազմավարական համագործակցության մասին՝ Հնդկաստանը հավակնում էր դառնալ ՀՀ զենքի ամենախոշոր մատակարարը:
Քաղաքագետ Արա Պողոսյանը նշում է, որ Հնդկաստանի կողմից Ադրբեջանի անդամագրման վրա արգելք դնելը ազդակ է նաև Հայաստանին՝ չափավորվելու իր դրսեւորումները: Հայաստանի հետ հարաբերություններ հաստատելու կոմյունիկեն օգտագործելով, Պակիստանը կարող է ճնշում գործադրել Հայաստանի վրա, որպեսզի Հայաստանն իր հերթին համոզի Հնդկաստանին՝ հրաժարվել Ադրբեջանի վրա դրված արգելքից:
«Ըստ տարածված տեղեկությունների, Պակիստանը ոչ թե ուղիղ վետո է դրել Հայաստանի անդամակացությանը` ՇՀԿ-ին, այլ ձեռնպահ է մնացել քվեարկության ժամանակ, ինչը հավասարազոր է վետո կիրրառելուն: Ավելացնեմ, որ ձեռնպահ է մնացել քվեարկության ժամանակ նաև Բելառուսը, որը կողմ է քվեարկել Ադրբեջանի անդամակցությանը:
Ադրբեջանին դեմ քվեարկած միակ երկիրը եղել է Հնդկաստանը»,-ասաց Պողոսյանը: Ինչ վերաբերում է այս ֆոնին դիվանագիտական հարաբերությունների հաստատմանը` Հայաստանի եւ Պակիստանի միջեւ, քաղաքագետը նշեց, որ այդ հարաբերությունների հաստատման փաստաթուղթը ստորագրվել է երեկ, իսկ անդամակցության հարցը քննարկվել է այսօր:
«Քաղաքականությունն ու դիվանագիտությունը շահերի մասին է, ոչ թե լավ ցանկությունների մասին: Նույն Բելառուսը, որը ՀԱՊԿ, ԵԱՏՄ մասով գործընկերն է Հայաստանի, գոնե իրավաբանորեն, այսինքն, այստեղ չենք կարող ասել, որ եթե երկրները դիվանագիտական հարաբերություններ ունեն, ուրեմն ամեն հարցում համաձայն են:
Ընդհանրապես, թշնամական երկրների հետ դիվանագիտական հարաբերությունների հաստատումը պետք է հիմնավորված լինի: Արդյոք մենք գիտե՞նք, թե ինչի՞ վրա է կառուցված Պակիստանը:
Պակիստանի ժողովուրդը իսլամական ֆունդամենտալիզմի վրա կառուցված հասարակություն է, որին առաջնորդողը իսլամն է»,-նկատեց Պողոսյանը: Այն պետությունը, որին առաջնորդողը իսլամն է, որի էլիտաները պատրաստ էին ժամանակին գնալ ու Օսմանյան խալիֆի համար կռվել, խոսքը հենց այդ պետության մասին է, որի ինքնության ամենակարևոր բաղադրիչը սուննի իսլամն է:
«Չի կարելի ակնկալել, որ Պակիստանը մեզ լավ է նայելու, որ հարաբերությունները զարգանալու են և այլն: Պակիստանը մեզ նայելու է այն աչքով, ինչ աչքով, որ մեզ նայելու է Թուրքիան»,- եզրափակեց Արա Պողոսյանը:
Բաց մի թողեք
Թուրքիայի ու Ադրբեջանի հետ խաղաղություն պետք է, բայց պիտի մի բան հասկանալ
Պետությունների շահերը, նույնիսկ եթե նրանք վաղեմի բարեկամներ են, միշտ չէ որ համընկնում են
Փաշինյանի թեզի հիմնական խնդիրը