Սիրիայի նախկին նախագահ Բաշար ալ-Ասադը թունավորվել է։
Այս մասին հայտնել են ռուսական լրատվամիջոցները՝ հղում անելով Մարդու իրավունքների սիրիական դիտորդական կենտրոնին (SOHR):
Նրա վիճակը ներկայումս կայուն է։ Ասադը սեպտեմբերի 29-ին դուրս է գրվել Մոսկվայի ծայրամասում գտնվող հիվանդանոցից։
Աղբյուրի տվյալներով՝ մինչ Ասադը հիվանդանոցում էր, միայն նրա եղբայր Մահիրին և նախագահի աշխատակազմի նախկին ղեկավար Մանսուր Ազզամին էր թույլատրվել այցելել նրան։
«Գործողությունն իրականացրած կողմը պլանավորել էր ամոթանք պատճառել Մոսկվային և մեղադրել նախկին նախագահի դեմ մահափորձ կատարելու համար»,- նշել է աղբյուրը։
2024 թվականի նոյեմբերի վերջին իսլամիստական խմբավորումների կոալիցիան հարձակում էր սկսել կառավարության կողմից վերահսկվող տարածքների վրա։ Նոյեմբերի 30-ին իսլամիստները գրավել էին Հալեպը, իսկ դեկտեմբերի սկզբին՝ Համան և Հոմսը։ Դեկտեմբերի 8-ին հակակառավարական զորքերը մտել էին Դամասկոս և հայտարարել Բաշար ալ Ասադի ռեժիմը տապալելու մասին։
Սիրիայի ղեկավարը բանակցություններ էր վարել իսլամիստների հետ, հրաժարական տվել և լքել երկիրը։ Այնուամենայնիվ, իսլամիստները հայտարարել են 10 միլիոն դոլարի պարգևատրություն այն տեղեկատվության համար, որը կօգնի ձերբակալել նախկին նախագահին։
Ավելի ուշ հայտնի էր դարձել, որ Բաշար ալ Ասադն ընտանիքի հետ ժամանել է Ռուսաստան, որտեղ նրան ապաստան են տվել։ Սիրիայի դատարանը նախկին նախագահ Բաշար ալ Ասադին ձերբակալելու հեռակա օրդեր է տվել։
Բաց մի թողեք
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ
Փարիզում թալանված խանութի տերը՝ հարձակման զոհ. «10 տարվա աշխատանքս ավերված է, երեք օր է՝ չեմ քնել»
Խոստովանեց՝ Թուրքիան առաջվանը չէ