Չեխիայի ոստիկանությունը հետաքննություն է սկսել «Ավտոմոբիլիստներ» կուսակցության կողմից արտաքին գործերի նախարարի պաշտոնում առաջադրված թեկնածու Ֆիլիպ Տուրեկի նկատմամբ՝ սոցիալական ցանցերում նրա հրապարակումների պատճառով, հայտնում է Novinky.cz-ը։
Մասնավորապես, ըստ լրատվամիջոցի, Տուրեկը հրապարակել է ռասիստական, քսենոֆոբ և սեքսիստական բնույթի գրառումներ։
Հաղորդվում է, որ նա ԱՄՆ նախկին նախագահ Բարաք Օբամային անվանել է «նեգր, որը կարող է միայն հաշիշ վաճառել կայարանում» և վիրավորական գրառումներ է կատարել Մեծ Բրիտանիայի արքայազն Հարիի և Մեգան Մարքլի ամուսնության վերաբերյալ։
Տուրեկը պնդում է, որ ինքն անձամբ չի տեղադրել այդ գրառումները, և դրանցից մի քանիսը հեռացվել են առանց իր գիտության։
Ներկայումս իրավապահ մարմինները պարզում են, թե ով է իրականում հրապարակել վիճահարույց նյութերը։
«Ավտոմոբիլիստներ» կուսակցությունը Տուրեկին առաջարկել է Չեխիայի արտաքին քաղաքական գերատեսչության ղեկավարի պաշտոնը, սակայն նրա թեկնածությունը հասարակության մեջ հարցեր ու քննարկումներ է առաջացրել՝ հիշյալ հրապարակումների պատճառով։
Հետաքննությունը շարունակվում է, և ոստիկանության հետագա եզրակացությունները կարող են ազդել նրա նշանակման վրա։
Բաց մի թողեք
Թրամփն «առևտրային պատերազմ» կհայտարարի 60 երկրի դեմ
«Եթե ես չլինեի, այլևս Իսրայել չէր լինի. Թրամփ
Պատերազմի երկրորդ փո՞ւլ․ ԱՄՆ-ն և Իրանը կրկին հարվածել են միմյանց․ խաղաղություն չի՞ լինելու