Մինչ «Մեր ձևով» շարժումը ծրագրում էր Սամվել Կարապետյանի կալանքի քննության դատական նիստից առաջ հանրահավաք և բողոքի ակցիա կազմակերպել, իշխանությունների պատժիչ գործիքը դառած Հակակոռուպցիոն դատարանը շուտափույթ նիստ նշանակեց, որ ակցիան խափանի:
Բանն այն է, որ Կարապետյանի կալանքի ժամկետը լրանում է հոկտեմբերի 18-ին և նիստը, ըստ կարգի, օրեր անց պետք է կայանար:
Սակայն քանի որ «Մեր ձևով» շարժման շաբաթ օրվա հավաքին հայտարարվեց, որ պատրաստվում են ի պաշտպանություն Սամվել Կարապետյանի ակցիա անել, մի օրվա մեջ իշխանությունը նիստ նշանակեց: Ավելին` այսօր տեղեկացանք, որ Սամվել Կարապետյանին մի նոր մեղադրանք են առաջադրել` փողերի լվացման հոդվածով, որն, ըստ պաշտպանների, նախորդ մեղադրանքից ավելի անհեթեթ է ու անհիմն:
Իսկ նախորդ մեղադրանքը` նույն հոդվածով, հիշեցնենք, որ դատարանն անհիմն էր համարել և կալանքը տվել էր «մեր ձևով» արտահայտության համար` իբրև թե այն բռնի իշխանափոխության կոչ է:
Կալանքի քննության նիստը կկայանա վաղը, ժամը 18:00-իմ, Հակակոռուպցիոն դատարանում:
Սամվել Կարապետյանի փաստաբանական խմբի հայտարարությունը
2025 թ. հոկտեմբերի 13-ին՝ աշխատանքային օրվա ավարտին, Հակակոռուպցիոն դատարանից տեղեկացվեցինք, որ ազգային բարերար, գործարար Սամվել Կարապետյանի կալանքի երկարաձգման միջնորդությունը մակագրվել է դատավոր Վ. Դոլմազյանին:
Հիշեցնենք, որ քննիչի կողմից այն ներկայացվել էր դեռևս հոկտեմբերի 11-ին, և այսքան տևական ժամանակ պահանջվեց մակագրման «թեկնածու» գտնելու համար:
Դատավորը, ում մակագրվել է այս ակնհայտ անհիմն միջնորդությունը, հանրությանը հայտնի է որպես հնչեղություն ստացած գործերով, բացառապես իշխանահաճո որոշումներ կայացնող Դատավոր:
Առավել ուշագրավ է այն, որ Դատավորը, ստանալով նյութերը, արդեն իսկ էական խախտում է թույլ տվել՝ 24 ժամից պակաս ժամկետում նիստ նշանակելով:
Ի դեպ, հրատապության հարցը սույն դեպքում առհասարակ բացակայում էր, քանի որ կալանքի ժամկետը լրանում էր հոկտեմբերի 18-ին:
Այս գործողությունները ևս որևէ իրավական տրամաբանությունից դուրս են:
Սամվել Կարապետյանի նկատմամբ քաղաքական հետապնդման անվիճելի հանգամանքը հաստատված է. իրավունքների նման ծավալի կոպիտ խախտումներն ակնառու են և աննախադեպ:
Բաց մի թողեք
Ֆրանսիան դառնում է Եվրոպայում առաջին երկիրը, որը պաշտոնապես արգելում է սոցիալական ցանցերը 15 տարեկանից փոքրերի համար
Կյանքից հեռացած զինծառայող Նարեկ Թորոսյանը Չարենցավանից էր, շատ խելացի, համեստ տղա էր․ Լուսանկար
«Սամվելը սիրում էր կյանքը, սիրված էր շրջապատում, մարդասեր էր իր տեսակով». Սամվել Խաչատրյանն անմահացել է հոկտեմբերի 11-ին Ջրականում. Լուսանկարներ