Ցանկանում են վերականգնել սոցիալական կայքերը Իրանում

Իրանի Տեղեկատվական եւ հաղորդակցական տեխնոլոգիաների նախարարությունը բանակցություններ է սկսել մի շարք հայտնի մեսենջերների հետ, այդ թվում նաեւ՝ «Telegram»-ի, որպեսզի քննարկի այն պայմանները, որոնք ապահովման դեպքում նրանց հասանելիությունը Իրանի տարածքում կվերականգնվի։

Այս մասին հայտնում է Mehr լրատվական գործակալությունը։

Համաձայն հաղորդման, եթե որոշ պայմաններ, որոնք առաջադրվել են Թեհրանի կողմից, պահպանվեն կամ կատարվեն, ապա դրանց արգելափակումը Իրանի տարածքում կվերացվի։ Խոսքը  վերաբերվում է այն բոլոր վեց սկզբունքներին, որոնք Իրանի Վիրտուալ տարածքի բարձրագույն խորհրդի կողմից ընդունվել են այս տարվա սկզբին։

Բանակցությունների պատասխանատուն Իրանի Տեղեկատվական եւ հաղորդակցական տեխնոլոգիաների նախարարությունն է։