Մեծ Բրիտանիայի կառավարությունը ծրագրում է Ուկրաինային փոխանցել 8 միլիարդ ֆունտ ստեռլինգի ռուսական ակտիվները, որոնք երկրում սառեցվել են 2022 թվականին լայնամասշտաբ պատերազմի սկսվելուց ի վեր, հաղորդում է The Times-ը:
Միաժամանակ, ըստ բրիտանական կառավարությունում պարբերականի աղբյուրի, միջոցների ապաարգելափակման և Կիևին փոխանցման ճշգրիտ մեխանիզմը դեռևս համաձայնեցված չէ:
Միացյալ Թագավորության արտգործնախարար Իվետ Քուփերը պաշտպանել է սառեցված միջոցների օգտագործման գաղափարը՝ կարծիք հայտնելով, որ Ուկրաինայի «նշանակալի ֆինանսավորումը» կարող է Ռուսաստանին մղել բանակցությունների:
Ուկրաինայի վրա Ռուսաստանի հարձակումից հետո արևտյան երկրներում սառեցվել են ՌԴ կենտրոնական բանկի շուրջ 260 մլրդ եվրոյի ակտիվներ: Այդ միջոցների մեծ մասը՝ շուրջ 193 մլրդ դոլար, պահվում է Բելգիայում Euroclear դեպոզիտարիայի հաշիվներում: Եվրոպական երկրները քննարկում են այդ միջոցների՝ Ուկրաինային օգնելուն ուղղելու հնարավորությունը արդեն մոտ չորս տարի:
Վերջին շաբաթներին Եվրոպայում քննարկվում է նաև Կիևին ռուսական ակտիվների գրավադրմամբ 140 մլրդ դոլարի «ռեպարացիոն վարկ» տրամադրելու գաղափարը, ինչին կտրականապես դեմ է Բելգիան՝ զգուշանալով Ռուսաստանի կողմից հնարավոր իրավական պահանջներից:
Ռուսաստանը Եվրամիության կողմից իր ակտիվների հետ անօրինական գործողությունների դեպքում սպառնում է «կոշտ արձագանքով»:
Բաց մի թողեք
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ
Փարիզում թալանված խանութի տերը՝ հարձակման զոհ. «10 տարվա աշխատանքս ավերված է, երեք օր է՝ չեմ քնել»
TRIPP-ի հարցը հասավ խորհրդարան