Հրազդան գետում երեկ ջրահեղձ եղած 17-ամյա տղան Գեղարքունիքի մարզի Լճաշեն համայնքից է։ Նա վաղ առավոտյան իր վարած մեքենայով հայտնվել էր գետում և երեսուն րոպե որոնողական աշխատանքներից հետո նրա անշնչացած մարմինը հաջողվել էր դուրս բերել ջրից։
«Ընտանիքը շատ վատ վիճակում է, գյուղում սուգ է»,- ասաց Լճաշենի վարչական ղեկավար Վահան Մարգարյանը։
Նրա խոսքով՝ նա ընտանիքի միակ երեխան չէր. ուներ մեկ եղբայր, որը ծառայում է բանակում, և մեկ փոքր քույր։ «Այս սեզոնին հորն էր օգնում տնային գործերում, խելոք, աշխատող երեխա էր»,- նշեց Մարգարյանը։
Մեր տեղեկություններով՝ դեպքից հետո հատկապես վատ է ջրահեղձ եղած տղայի մոր վիճակը, ստիպված են հանգստացնողներ ներարկել ու քնեցնելու ճանապարհով վիճակը ստաբիլ պահել։
Ավելի վաղ հայտնել էինք, որ հուլիսի 19-ին, ողբերգական դեպք է տեղի ունեցել Գեղարքունիքի մարզում։ Ժամը 06։30-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Սևանի բաժնում հերթական օպերատիվ տեղեկություններ են ստացվել, որ Երևան-Սևան-Իջևան ավտոճանապարհի «Հարսնաքար» ռեստորանային համալիրի մոտ ավտոմեքենան ընկել է Հրազդան գետը։
Ջրասուզակ Վահե Մելքոնյանը մոտ 30 րոպե որոնողական աշխատանքների արդյունքում գետում հայտնաբերում է ավտոմեքենան, ապա ավտոմեքենայի ապակին կոտրելով կարողանում է ջրահեղձ եղած քաղաքացուն դուրս բերել գետից, որից հետո ջրասուզակներն ու Սևանի փրկարարները ջրահեղձ եղած քաղաքացու մարմինը մոտեցնում են դիատարին։
Բաց մի թողեք
Վթարվել է «Ապարան-Երևան» 1200 մմ-ոց մայրուղային ջրատարը. Լուսանկար
Արտակարգ դեպք՝ Վայոց ձորի մարզում․ Խաչիկ գյուղի հանքի տարածքում «ԿամԱԶ»-ը կողաշրջվել է․ 63-ամյա վարորդը տեղափոխվել է հիվանդանոց. Լուսանկար
Երևանում բախվել են «Nissan Rogue»-ը և «Lexus GX470»-ը․ վերջինը հայտնվել է մայթին՝ կոտրել արտադրամասի ապակիները․ Լուսանկար