ԱԺ նախագահի տեղակալի պաշտոնում ընտրվելուց հետո Արամ Վարդևանյանը շնորհակալություն է հայտնել իրեն վստահության համար։
Իր ելույթում նորընտիր փոխնախագահը մաղթել է, որ Աստված պահպանի Հայաստանի Հանրապետությունը՝ ընդգծելով, որ երկիրը, իր համոզմամբ, ունենալու է ուժեղ ապագա։
«Աստված պահապան մեր հրաշք Հայաստանի Հանրապետությանը, և մենք ուժեղ Հայաստան, վստահաբար, ունենալու ենք»,- ասել է Վարդևանյանը։
ԱԺ փոխնախագահի պաշտոնում ընտրված Արամ Վարդևանյանը լրագրողների հետ զրույցում անդրադարձել է նոր պաշտոնում իր աշխատանքին և ընդգծել, որ գիտակցում է ինչպես այդ կարգավիճակից բխող լիազորությունները, այնպես էլ հնարավոր դժվարությունները։
«Առնվազն պատկերացնում եմ, թե ԱԺ փոխնախագահի կարգավիճակն ինչ լիազորություններ է ենթադրում, բայց մյուս կողմից՝ դժվարությունները ևս պատկերացնում եմ»,- նշել է Վարդևանյանը։
Նրա խոսքով՝ իր թեկնածությունն առաջադրելու վերաբերյալ «Ուժեղ Հայաստան» խմբակցության որոշումը կայացվել էր դեռևս այն ժամանակ, երբ ընթանում էր ընտրությունների արդյունքների վիճարկման գործընթացը։
Վարդևանյանը նաև ընդգծել է, որ մշտապես պատրաստակամություն է հայտնել հարգելու թիմի կողմից ընդունված որոշումները։
«Խմբակցության կողմից իմ թեկնածության որոշումը կայացվել է ի սկզբանե, երբ ընտրության արդյունքների վիճարկման գործընթացն էր և այլն։ Ես մշտապես ընդգծում էի, որ թիմի կողմից կայացված որոշումները հարգելու եմ»,- ասել է նա
Բաց մի թողեք
Բուդանով․ Եվրոպան վերջապես գիտակցում է Ռուսաստանի հիբրիդային պատերազմի վտանգը
Ութ տարին բավական երկար ժամանակ է՝ խոստումներն արդյունքներից տարբերելու համար
Երևանն ու Բաքուն ավելի շու՞տ կստորագրեն խաղաղության պայմանագիրը․ կարծիք՝ ԱՄՆ-ից