Ռուսաստանի ԱԳՆ մամուլի խոսնակ Մարիա Զախարովան արձագանքել է լուրերին, թե ԱՄՆ-ն պատրաստվում է հավանություն տալ Թուրքիայում պահվող ամերիկյան սպառազինության տեղափոխմանը Ուկրաինա։
Նա շեշտել է, որ նման քայլը լրջորեն կխարխլի Մոսկվայի, Անկարայի և Վաշինգտոնի միջև առկա փոխադարձ վստահությունը, տեղեկացնում է Ermenihaber-ը։
Ըստ շրջանառվող տեղեկությունների՝ Վաշինգտոնը պատրաստվում է թույլատրել Թուրքիայի պահեստներում գտնվող շուրջ 280 մլն դոլար արժողությամբ 70 միավոր «ATACMS» հրթիռների վերավաճառքը Կիևին։ Մարդու իրավունքների վերաբերյալ մոնիթորինգ իրականացնող ամերիկյան «Human Rights Watch» կազմակերպության տվյալներով՝ գործարքը վերաբերում է նաև 12 համազարկային կրակի ռեակտիվ համակարգերին և տասնյակ հազարավոր արգելված կասետային ռազմամթերքին:
Զախարովան հավելել է, որ խաղաղության մասին հայտարարություններին զուգահեռ Ուկրաինային զենք մատակարարելը նշանակում է բացել «Պանդորայի արկղը»։ Մոսկվայի ներկայացուցիչը նաև ընդգծել է, որ սա անխուսափելիորեն կվնասի Ռուսաստանի երկկողմ հարաբերությունները թե՛ Թուրքիայի, թե՛ ԱՄՆ-ի հետ։


Բաց մի թողեք
Արքայազն Հարին Ուկրաինա կատարած անակնկալ այցի ժամանակ ասել է․ «Դուք հաղթելու եք»
Էստոնիան փակում է Ռուսաստանի հետ սահմանը՝ պաշտպանական ընկերության դեմ իրականացված «դիվերսիոն հարձակումից» հետո
Թուրքիայի զինագործական հսկան խաղադրույք է կատարում, որ Ռուսաստանը կհաղթահարի ԵՄ «Գնեք եվրոպականը» ջանքերը