Կանադայի հեղուկացված գազը կարևոր է Եվրոպայի համար. Մակրոն

Ֆրանսիայի նախագահ Էմանուել Մակրոնը հայտարարել է, որ Ֆրանսիան և Կանադան պետք է համատեղ աշխատեն էներգակիրների մատակարարումներն ապահովելու և վառելիքի գները վերահսկելի պահելու ուղղությամբ։

«Մենք պետք է Կանադայի հետ միասին աշխատենք՝ ապահովելու մեր էներգետիկ մատակարարումները և վառելիքի գները վերահսկողության տակ պահելու համար։ Այսօր սա չափազանց զգայուն հարց է Ֆրանսիայի համար»,- հայտարարել է Մակրոնը։

Նրա խոսքով՝ Կանադայում հեղուկացված բնական գազի արտադրության նախագծերը կարող են նպաստել Եվրոպայի էներգետիկ մատակարարումների ապահովմանը։

Մակրոնը նշել է, որ այդ նախագծերը մեծ նշանակություն ունեն Եվրոպայի համար և կարող են նաև Ֆրանսիայի ու Կանադայի միջև համագործակցության նոր հնարավորություններ ստեղծել։