Որոշ դեպքերում աշխատանքային կենսաթոշակի դիմումը կարող է մերժվել տարածքային սոցիալական ծառայության կողմից, իսկ որոշ դեպքերում հնարավոր են կենսաթոշակի վճարման դադարեցում և պահումներ։
Այս մասին նշված է Ծառայությունների միասնական հարթակում տեղադրված «Ստանալ կենսաթոշակ» ուղեցույցում, որը կազմվել է Հայաստանի տեղեկատվական համակարգերի գործակալության և Աշխատանքի և բարեկեցության նախարարության կողմից։ Ստորև ներկայացնում ենք, թե ինչ պատճառներով կարող է մերժվել դիմումը, երբ կարող է դադարեցվել կենսաթոշակի տրամադրումը և որ դեպքերում կարող են կատարվել պահումներ։
Ի՞նչ պատճառներով կարող է մերժվել աշխատանքային կենսաթոշակի դիմումը
Աշխատանքային կենսաթոշակի դիմումը կարող է մեժվել, եթե՝
անձը չունի կենսաթոշակի իրավունք
անձը, ըստ բնակչության պետական ռեգիստրում առկա տվյալների, չունի ՀՀ բնակության վայր (հասցե).
անձը սահմանված կարգով և ժամկետներում չի ներկայացրել կենսաթոշակ նշանակելու համար անհրաժեշտ փաստաթղթերը։
Դիմումը մերժվելու դեպքում դրա մասին կտեղեկանաք դիմումը ներկայացնելուց հետո 15 աշխատանքային օրվա ընթացքում։
Ե՞րբ կարող է դադարեցվել աշխատանքային կենսաթոշակ ստանալու իրավունքը
Աշխատանքային կենսաթոշակի տրամադրումը կարող է դադարեցվել եթե՝
կենսաթոշակառուն հրաժարվի ՀՀ քաղաքացիությունից,
կենսաթոշակառուն մշտապես բնակություն հաստատի օտարերկրյա պետությունում,
կենսաթոշակառուն կենսաթոշակ ստանա այլ պետությունից,
կենսաթոշակի դիմումի գործում հայտնաբերվեն կեղծ փաստաթղթեր,
լրանա ՀՀ-ում կենսաթոշակառուի բնակվելու իրավունքի ժամկետը (օտարերկրյա քաղաքացիների դեպքում),
անկախիկ եղանակով կենսաթոշակ ստանալու դեպքում առնվազն յուրաքանչյուր տարի կենսաթոշակառուն չներկայանա այն բանկ, որից ստանում է կենսաթոշակը և չստորագրի, որ բնակվում է ՀՀ-ում,
սպառվի լիազորված անձի կողմից անկանխիկ եղանակով կենսաթոշակը ստանալու լիազորագրի ժամկետը (12 ամիս)։
Կենսաթոշակի տրամադրումը դադարեցվում է նաև կենսաթոշակառուի մահվան, ինչպես նաև մահացած կամ անհայտ բացակայող ճանաչվելու դեպքում։
Ո՞ր դեպքերում կարող են պահումներ կատարվել աշխատանքային կենսաթոշակից
Աշխատանքային կենսաթոշակից կկատարվեն պահումներ, եթե՝
կենսաթոշակառուն ներկայացնում է սխալ տեղեկություններ պարունակող փաստաթղթեր,
սխալմամբ կենսաթոշակառուին վճարվում է նշանակածից ավելի գումար։
Արդյո՞ք ԴԱՀԿ-ն կարող է կենսաթոշակից պահումներ կատարել
Այո՛, ԴԱՀԿ-ն՝ Դատական ակտերի հարկադիր կատարման ծառայությունը, կարող է կատարել պահումներ մինչև կենսաթոշակի գումարի 30%-ի չափով՝ մինչև բռնագանձվող գումարների լրիվ մարումը, այնպես, որ պահումներ կատարելուց հետո վճարման ենթակա գումարը պակաս չլինի ՀՀ կառավարության սահմանած սոցիալական նպաստի չափից:
Ֆիզիկական անձի կուտակային կենսաթոշակային ակտիվներից (դրանց կուտակման ժամանակահատվածում) պահումներ չեն կարող կատարվել մինչև նրա` օրենքով սահմանված կարգով կուտակային կենսաթոշակ ստանալը։
Նյութը կազմվել է՝ համաձայն «Պետական կենսաթոշակների մասին» ՀՀ օրենքի։
Բաց մի թողեք
Սայաթ-Նովա պողոտայում բախվել են «Dodge» ու «Tesla», վերջինն էլ հետո կոտրել է լուսակիր, բախվել «Գրանդ Քենդի»-ի դռանը․ Լուսանկար
Պետական անգործությունն ու թեմայի «սրբագրումը» քլորոֆոսով
Այնթապում 63-ամյա վարորդը «Ruichi»-ով վրաերթի է ենթարկել 3 հետիոտնի, երկուսը անչափահաս են․ Լուսանկար