Մարտի 14-ի գիշերը ՌԴ Մագադանի շրջանում Մի-8 ուղղաթիռ է կործանվել։
Այս մասին «Տելեգրամ»-ում հայտնել է Մագադանի շրջանի նահանգապետ Սերգեյ Նոսովը։
Նշվում է, որ այն հայտնվել է ձնաբքի մեջ, ինչի հետևանքով շարժիչը խափանվել է, և վթարային վայրէջք է պահանջվել:
«Փրկարարական խումբը և բժիշկները դեպքի վայր են ուղարկվել «Դալներեչենսկ Ավիա» ուղղաթիռով: Նրանք թռել են «Կոլիմա» ավիացիայի արտակարգ թռիչքներով՝ տուժածներին օգնելու և տարհանելու համար»,- գրել է նա:
Ռուսական Mash տելեգրամ-ալիքն էլ հայտնել է, որ ուղղաթիռով թռել են հանքի հերթափոխի աշխատողներ։ Հաղորդվում է մեկ մարդու մահվան և մի քանի վիրավորի մասին։
«Օդանավը կործանվել է Հյուսիսային Էվենսկի շրջանում, ներսում եղել է 20 մարդ»,- ասվում է հաղորդագրության մեջ։
Ավելի ուշ ալիքը հայտարարել է, որ Մի-8-ի օդաչուները դիսպետչերներին հայտնել են թռիչքից 13 կիլոմետր հեռավորության վրա շարժիչի խափանման մասին: Ընդհանուր առմամբ ինքնաթիռում եղել է ոսկու հանքի 17 աշխատող և անձնակազմի երեք անդամ։
«Փրկարարական աշխատանքներին ներգրավվել է երկու ուղղաթիռ և վերգետնյա մեքենա: Որոնողական ինքնաթիռների օգտագործումը դեռևս դժվար է տարածաշրջանում եղանակային բարդ պայմանների պատճառով»,- ասվում է հաղորդագրության մեջ:
Նշենք՝ վերջին մեկ ամսում ՌԴ-ում օդանավի կործանման մի քանի դեպք է գրանցվել:
Բաց մի թողեք
Պուտինը նոր պատերազմների է նախապատրաստվում․ Արտաքին զեկույց Էստոնիայից
Օրբանը դատապարտել է ԵՄ-ի՝ Ուկրաինային մասնակիորեն դաշինք ընդունելու ծրագիրը
Վենսի այցը նշանակալի քայլ է, արդյունքները նախանշում են հետագա համագործակցության հստակ ուղի. ԱՄՆ դեսպանատուն