Մոտ 3 ամիս ոստիկանների, պարեկների, փրկարարների ու հարազատների կողմից որոնվող տղամարդու մարմինը հայտնաբերվել է Հրազդանի Ջրառատ բնակավայրի ձորակում. նախաձեռնվել է քրեական վարույթ:
ՀՀ ներքին գործերի նախարարության ոստիկանության, պարեկային ծառայության, ծառայության աշխատակիցները գրեթե ամեն օր որոնողական աշխատանքներ են իրականացրել 2023 թվականի դեկտեմբերի 7-ից որպես անհայտ որոնվող Կոտայքի մարզի բնակիչ 60-ամյա տղամարդուն հայտնաբերելու ուղղությամբ։
Որոնողական աշխատանքներին առաջին իսկ օրվանից մասնակցել են որոնվող տղանարդու հարազատները։
Օրեր անց դեպքի փաստով ոստիկանության Հրազդանի բաժնում փաստաթղթեր էին ձևակերպվել, որոնք փոխանցվել էին ՀՀ Քննչական կոմիտեի Կոտայքի մարզային քննչական վարչություն, որտեղ դեպքի փաստով «սպանություն» հատկանիշներով նախաձեռնվել էր քրեական վարույթ ՀՀ Քր․ օր․-ի 155 հոդվածի 1-ին մասով։
Երեկ՝ մարտի 13-ին ոստիկանության Հրազդանի բաժնում օպերատիվ տեղեկություններ են ստացվել, որ Հրազդան քաղաքի վարչական շրջանի Ջրառատ բնակավայրում, երկաթգծին մոտ ձորակում դի կա։
Պարեկները սահմանազատել են տարածքը։
Ոստիկաններն ու քննիչները հայտնաբերել են տղամարդու նեխած դի երկաթգծին հարակից դաշտամիջյան վայրում՝ ձորակում։
Ձեռնարկված օպերատիվ հետախուզական ու քննչական համատեղ գործողությունների արդյունքում պարզվել է, որ հայտնաբերվածը որպես անհայտ որոնվող 60-ամյա տղամարդն էր։
Քննիչի որոշմամբ նշանակվել է դիակի դատաբժշկական փորձաքննություն։
Բաց մի թողեք
Արտենիում քաղաքացին փորձել է ինքնասպան լինել՝ նետվելով բնակարանի պատշգամբից
Կոշ գյուղի նախկին ամբուլատորիայի շենքում հրդեհ է բռնկվել. Լուսանկար
Երևանի մետրոպոլիտենն աշխատակիցներ է փնտրում. ովքեր և ինչպես կարող են դիմել