Ռուսաստանի Դաշնության Անվտանգության խորհրդի քարտուղար Սերգեյ Շոյգուն ասել է, որ Բաքու աշխատանքային այցի ընթացքում հանդիպումների ժամանակ քննարկվել են Հարավային Կովկասում անվտանգության ստեղծման գործընթացին միջամտելու Արևմուտքի փորձերը։
Օգոստոսի 6-ին Բաքվում Շոյգուն հանդիպել է Ադրբեջանի նախագահ Իլհամ Ալիևի, ինչպես նաև Ադրբեջանի նախագահին առընթեր անվտանգության խորհրդի քարտուղար Ռամիլ Ուսուբովի հետ։
«Քննարկվել է հարցերի ամենալայն շրջանակը: Սա, իհարկե, առաջին հերթին Հայաստանի հետ խաղաղության պայմանագիր է, որի 10-րդ խմբագրումն է հանձնվել Հայաստանին: Իհարկե, Արևմուտքի կողմից այս գործընթացին միջամտելու շատ ակտիվ փորձեր կան»,-ասել է Շոյգունև հավելել, որ քննարկվել են նաև տրանսպորտային նախագծերը, մասնավորապես՝ Հյուսիս-Հարավ միջանցքը, ինչպես նաև «3+3» ձևաչափւ, որն, ըստ Շոյգուի, կարևոր է Հարավային Կովկասում իրավիճակը կայունացնելու համար։
Հիշեցնենք՝ ավելի վաղ Ադրբեջանի նախագահ Իլհամ Ալիևի հետ հանդիպման ժամանակ ՌԴ Անվտանգության խորհրդի քարտուղար Սերգեյ Շոյգուն հայտարարել էր, թե Ռուսաստանը աջակցում է Ադրբեջանի և Հայաստանի միջև հարաբերությունների կարգավորման գործընթացին:
Բաց մի թողեք
Մոսկվան դրական է գնահատում Վաշինգտոնում խաղաղության համաձայնագրի նախաստորագրումը, կարևոր է՝ ստորագրվի. ՌԴ ԱԳՆ
Լավրովի կողմից 2020 թ․ հոկտեմբերի 9-ի փաստաթուղթը չէր նախատեսում «ադրբեջանական տարածքների ազատագրում»
Լավրովն ինչ առաջարկություն է արել 44-օրյա պատերազմի օրերին․ Բայրամովն իբր անկեղծացել է