«Մեր ուղերձն Իրանին անփոփոխ է և այդպես էլ կմնա։ Նախ՝ մենք կոչ ենք անում չանել դա (հարվածն Իսրայելին): Լարվածությունը մեծացնելու պատճառ չկա: Տարածաշրջանային պատերազմ սկսելու որևէ պատճառ չկա: Եվ բացի այդ՝ մենք մտադիր ենք պատրաստվել անհրաժեշտության դեպքում պաշտպանել Իսրայելին»,- ճեպազրույցի ժամանակ ասել է Քիրբին։
Ինչպես նշել է Քիրբին, Վաշինգտոնը վստահ է, որ Իրանը պատրաստ է հարձակվել, եթե ցանկանա: Նրա խոսքով, հենց դա է պատճառը, որ ԱՄՆ-ն ուժեղացրել է իր ներկայությունը տարածաշրջանում։
U.S. News-ը, վկայակոչելով ԱՄՆ պաշտպանության նախարար Լլոյդ Օսթինի հայտարարությունը, օգոստոսի 26-ին հաղորդել էր, որ Միացյալ Նահանգները պատրաստակամություն է հայտնել աջակցել Իսրայելի պաշտպանությանը։ Նշվում է, որ Պենտագոնի ղեկավարը զրուցել է իր իսրայելցի գործընկերոջ հետ։
Օգոստոսի 14-ին էլ Reuters-ը, վկայակոչելով իրանցի երեք պաշտոնյայի, գրել էր, որ Իրանի իշխանությունները համաձայն են հետաձգել Իսրայելի վրա հարձակումը միայն այն դեպքում, եթե Գազայի հատվածում հրադադար լինի։ Ավելի ուշ՝ օգոստոսի 16-ին, հաղորդվեց, որ ԱՄՆ-ի զինուժը իր ռեսուրսների զգալի մասը տեղակայել է Մերձավոր Արևելքում՝ որպես կանխարգելիչ միջոց, եթե Իրանը առանց նախազգուշացման հարձակվի Իսրայելի վրա։
Բաց մի թողեք
Լեհաստանը չի միանա Թրամփի «Խաղաղության խորհրդի» աշխատանքներին այս պայմաններում․ վարչապետ
Ծեծկռտուք՝ Թուրքիայի խորհրդարանում․ ընդդիմադիրները փորձել են թույլ չտալ նախարարների երդմնակալությունը. Լուսանկար
Պուտինը նոր պատերազմների է նախապատրաստվում․ Արտաքին զեկույց Էստոնիայից