ԱԺ պատգամավոր Տիգրան Աբրահամյանը գրում է․
«1991 թվականի Արցախի անկախության հանրաքվեի և 2006 թվականին Սահմանադրության ընդունման կապակցությամբ Արցախի ԱԺ-ն այսօր արտահերթ նիստ էր հրավիրել:
Հաշվի առնելով այն հանգամանքը, որ նիստն ընդլայնված ձևաչափով էր, ես և գործընկերներս դրան մասնակցելու հնարավորություն ստացանք:
Արցախի պետական ինստիտուտների պահպանման ու արցախցիների տարբեր բնույթի խնդիրների լուծման տեսանկյունից, չափազանց բարդ ժամանակներ են:
Մի կողմից` Արցախի օկուպացված լինելու հանգամանքն է, մյուս կողմից` փաշինյանական իշխանության վտանգավոր բնույթը, որ մերժողաբար է տրամադրված Արցախի հետ կապված ցանկացած հարցի շուրջ:
Եթե քաղաքական հարցերն ի սկզբանե կողպեքված էին, ապա սոցիալ-տնտեսական առումով ֆորմալ ծրագրեր կան, սակայն դրանք, ինչպես արցախցիներն են ասում, սողալու և արտագաղթելու պլաններ են:
Առավել քան երբևէ, մեր հայրենակիցներին ամուր կամք, եռանդ ու համբերատարություն է անհրաժեշտ, որպեսզի հասարակության` իրադրության լրջությունը գիտակցող անձանց, խմբերի սատարմամբ, այս փուլը ևս հաղթահարեն և արցախցիների իրավունքների վերականգնման ու պաշտպանության նոր փուլ սկսեն:
Որքան մեծ և ընդգրկուն լինի հանրային-քաղաքական աջակցությունը, այնքան արագ հնարավոր կլինի հաղթահարել հիմնական խոչընդոտները և աստիճանաբար առաջ շարժվել:
Բաց մի թողեք
Երկար կյանք տուր Հայրապետի՜ն ․․․ Տեսնես Հովհաննավանքում երգում են պատարագի ժամանակ, թե ․․․ Սիմոն Սարգսյան
Թարս նստենք և շիտակ խոսենք. Լևոն Ջավախյան
Պահի տակ է ասել՝ «Արցախը Հայաստան է և վերջ»․ Միքայելյան