Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանը, որը կաշառքի գործով ձերբակալվել, ապա ազատ էր արձակվել, 2 ամսով կալանավորվել է:
Այս մասին տեղեկությունը հաստատեցին Հակակոռուպցիոն դատարանից:
Վերաքննիչ հակակոռուպցիոն դատարանը բեկանել է Կարոյանի նկատմամբ գրավը և վարչական հսկողությունը որպես խափանման միջոց ընտրելու մասին առաջին ատյանի դատարանի որոշումը և Կարոյանի նկատմամբ որպես խափանման միջոց ընտրել կալանավորումը։
Ինչպես ավելի վաղ տեղեկացրել էինք, փետրվարի 5-ին Երևանի քաղաքապետարանի աշխատակիցներ էին ձերբակալվել:
Հիշեցնենք՝ փետրվարին Երևանի քաղաքապետարանի պաշտոնյանների ձերբակալությունից հետո նշված գործի շրջանակում մարտի 4-ին ձերբակալվել էր Երևանի քաղաքապետարանի կոմունալ տնտեսության վարչության պետ Արսեն Կարոյանը։
Հակակոռուպցիոն կոմիտեից հայտնել էին, որ քաղաքապետարանում քննչական գործողություններն իրականացվել են կոմիտեում քննվող քրեական վարույթի շրջանակներում:
Ձերբակալված 8 անձանցից 4-ի նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բավարարվել են։
Արսեն Կարոյանի նկատմամբ սահմանվել էր վարչական հսկողություն, գրավ և չբացակայելու արգելք։
Բաց մի թողեք
Բերման է ենթարկվել Երևանի ընդհանուր իրավասության դատարանի դատավոր Արտուշ Գաբրիելյանն օգնականի հետ․ Լուսանկար
Արտառոց դեպք՝ Երևանում, «Բլեքջեք» խաղի ժամանակ խախտվել է վարման կարգը, վնասը շուրջ 279 հազար եվրո է
Դանակով զինված քաղաքացին հարձակվել է կանչի մեկնած բուժաշխատողների վրա. տուժել է վարորդը