Քաղծառայողները, որոնք ամեն ամիս պարտաճանաչ վճարում են առողջության ապահովագրության համար, անսպասելի պարզել են, որ չեն կարողանում բուժօգնություն ստանալ իրենց վճարած գումարների դիմաց:
Հրապարակ թերթը գրել է․ Մեզ ահազանգած քաղաքացին պատմեց, որ դիմել է ապահովագրական ընկերությանը, սակայն վերջինս հրաժարվել է նրան սպասարկել՝ ասելով, թե արդեն 4 ամիս է՝ պետությունից ապահովագրության համար գումար չի ստացել:
Պարզվում է՝ առողջապահության նախարարությունը դեռ անցյալ տարվանից էր պարտք մնացել ապահովագրական ընկերություններին: 2024 թվականի համար ընդհանուր պարտքը կազմել է մոտ 900 մլն դրամ: Ահա ինչու ապահովագրական ընկերությունների հետ նոր պայմանագրերի կնքումն ուշանում էր: Մեր աղբյուրը հայտնում է, որ հարցը քննարկվել է կառավարությունում: Պարտքի մի մասը՝ մոտ 700 մլն դրամը, մեր տվյալներով, հատկացվել է, սակայն այդ գումարները հասել են ապահովագրական ընկերություններին, թե ոչ՝ հայտնի չէ: Մայիսին` նախկին պարտքը դեռ չվճարած, ապահովագրական ընկերությունների հետ նոր պայմանագրեր են կնքվել` 2025 թվականի համար:
Այս տեղեկությունները փորձեցինք ճշտել առողջապահության նախարարության պետական առողջապահական գործակալության պետ Սամվել Խարազյանից: Նա ասաց, որ այս պահի դրությամբ նախարարությունն ընկերություններին պարտք չունի: «Պայմանագիրը կնքվել է, հիմա ընթացքում հայցերն են բավարարվում եւ ֆինանսավորվում, մենք ոչ մի խնդիր չունենք ապահովագրական ընկերությունների հետ»,- ասաց նա: Ավելի մանրամասն տեղեկություններ հրաժարվեց տալ՝ հորդորելով մերժված քաղաքացուն՝ դիմել նախարարություն: «Բոլոր ներկայացված հաշիվների դիմաց ապահովագրական ընկերությունները գումարներն ամբողջությամբ ստացել են»,- կրկնեց Սամվել Խարազյանը:
Բաց մի թողեք
ՔՊ քարտուղարին ներում են, իսկ 8 հոգևորականի մեղադրանք են առաջադրել
ԶՊՄԿ-ի փոխտնօրենը մեղադրյալ․ ո՞վ է Նարեկ Ամբարյանը, ինչ կապեր ունի. Լուսանկար
Ինչ է նվիրել ռուս գործարարը Նիկոլ Փաշինյանին