«ՀայաՔվեն» Մայր Աթոռի տարածքում հերթապահություն է սկսել, հանրությունը փողոց դուրս կգա՞

ԱԺ «Հայաստան» խմբակցության պատգամավոր Արմենուհի Կյուրեղյանը հայտարարել է, որ այս օրերին տեղի ունեցող իրադարձությունները վկայում են վարչապետ Նիկոլ Փաշինյանի խուճապային գործողությունների մասին։

Նրա խոսքով՝ վարչապետը գիտակցում է հանրության բացասական վերաբերմունքը թե՛ իր ղեկավարած իշխանության, թե՛ վերարտադրվելու հնարավորության նկատմամբ։ Կյուրեղյանը շեշտել է, որ վարչապետը լիովին տեղեկացված է իր չկատարած խոստումների հետևանքների և դրա դիմաց սպասվող պատասխանատվության մասին։

Կյուրեղյանը անդրադարձել է նաև վարչապետի՝ Ամենայն Հայոց կաթողիկոսին հեռացնելու վերաբերյալ հայտարարություններին՝ ընդգծելով, որ նման քայլի դիմելու իրավունք Փաշինյանը չունի։ Պատգամավորը վստահեցրել է, որ եթե նման փորձ արվի, ապա ժողովրդի հավատացյալ հատվածը, որ կապված է Հայ առաքելական եկեղեցու հետ, դուրս կգա պաշտպանելու իր հոգևոր կառույցը։