Սյունիքի մարզի սահմանային Խոզնավար գյուղում վերջին 4-5 օրերին կրակոցներ չեն եղել: Այս մասի ասել է տեղի բնակիչներից մեկը։
«Գիշերը մինչև 1-ը, 2-ը դրսում ենք լինում, բայց ձեն չկա, թե առավոտվա ժամերին լինում ա, չգիտեմ, կարող ա քնած եղած լինեմ»,- ասաց նա։
Մեր զրուցակիցը նշեց, որ վերջին ամիսներին ադրբեջանական կողմը գրեթե ամենօրյա ռեժիմով կրակում էր Սյունիքի մարզի սահմանամերձ գյուղերի ուղղությամբ, այդ թվում Խոզնավարի: Ապա հույս հայտնեց, որ նման «հրադադարը» երկարատև կլինի:
Որոշ կրակոցներին անդրադարձել է նաև ՀՀ ՊՆ-ն՝ նշելով, որ բնակելի տները վնասվում են:
Մասնավորապես, շուրջ մեկ ամիս առաջ պաշտպանական գերատեսչությունը հայտնել էր, որ Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տուն։
Բաց մի թողեք
Վահե Դոլմազյանի նախագահությամբ քննվում է Կարապետյանի կալանքի երկարացման միջնորդությունը. Լուսանկարներ
Գեներալ Մանվել Գրիգորյանի կինն ու աղջիկը մասնակցում են Էջմիածնի քաղաքապետի ընտրություններին
«3+3»-ը ամրապնդում է տարածաշրջանային անվտանգությունն ու կայունությունը». Ադրբեջանի փոխվարչապետ. Լուսանկար