Անամոթության սթրես․ Տիգրան Պասկևիչյան

Արամազդ Ղալամքարյան օգտատերը ջահել է, չի հիշի։ Սովետական կրթական համակարգում լեզվի դասերին տրվում էր երեք հանձնարարություն՝ թելադրություն, շարադրություն, փոխադրություն։

Չգիտեմ իր սովորելու տարիներին փոխադրությունը կա՞ր, թե՝ ոչ, բայց վերցրել է հարազատ պատրոնի եւ նրա տիկնոջ տեքստերն ու փոխադրել՝ համառոտը վերածելով լավաշի։

Լավ է արել, բան չունեմ ասելու։ Փորձել է բարոյազօծել նրանց պղծատեքստերը։ Բայց ինչու այսչափ հիստերիկ։ Պարզ պատճառով։ Մարդն անամոթությունից սթրես է ապրում։ Իսկ որ սթրես է ապրում, ուրեմն ամեն ինչ դեռ կորած չէ։

Պատեպատ տուր քեզ, թռիր վերեւ, իջիր ցած, Լեւոն Տեր-Պետրոսյանը պատմության մեջ մնալու է ԱՆԿԱԽՈՒԹՅՈՒՆ ԲԵՐԱԾ ԵՎ ՀԱՂԹԱԾ ՆԱԽԱԳԱՀ, իսկ Հայ առաքելական սուրբ եկեղեցին եղել ու մնալու է հայության ՀԻՄՆԱՍՅՈՒՆԸ։

ԱԶԱՏՈՒԹՅՈՒՆ ԲՈԼՈՐ ՔԱՂԱՔԱԿԱՆ ԿԱԼԱՆԱՎՈՐՆԵՐԻՆ։

Տիգրան Պասկևիչյանի ֆեյսբուքյան գրառումը