Ուր է հասել Փաշինյանը եկեղեցու դեմ գրոհի կազմակերպման հարցում

Համառ լուրեր են շրջանառվում, որ չնայած մի քանի օր կարծես թե Նիկոլ Փաշինյանը դադար է վերցրել` եկեղեցու և Վեհափառի դեմ պայքարում, և դրան նաև Աբու Դաբիի հանդիպումը նպաստեց, բայց «տակից» աշխատանքները շարունակվում են:

Եվ իր ասած Եկեղեցու դեմ պայքարի Համակարգող խորհրդի ուղղությամբ, որի մասին մոտ մեկ ամիս առաջ էր հայտարարել Հայ առաքելական եկեղեցու թշնամիներին կոչ անելով դիմել և ներգրավվել այդ աշխատանքներին և մյուս ուղղություններով:

Նախօրեին լուրեր տարածվեցին, որ Հայաստանի` մեծությամբ երկրորդ կրոնական կառույցը` Եհովայի վկաները հավաքվել են Մերիդիան հանդիսությունների սրահում: Եվ նրանք այնքան շատ են եղել, որ Իսակովի պողոտան մի քանի ժամ պարալիզացված է եղել:

Այլ հավաքներ ևս կազմակերպվում են` և կրոնական տարբեր կազմակերպություններում, և կարգալույծ հոգևորականների են մոբիլիզացնում:

Եթե դրան գումարենք նաև անաստված քաղաքագետների, նիկոլական քարոզիչների խավը` Գնել Սարգսյանի և Ռոման Բաղդասարյանների նման, ապա պարզ կդառնա, որ մի քանի հազարանոց խաչակիրների բանակ է ստեղծում Փաշինյանը` եկեղեցու վրա գրոհելու համար:

Սակայն մեզ հայտնի է նաև, որ դրսից` և կրոնական շրջանակներից, և քաղաքական դեմքերից շատ բացասական մեսիջներ են ուղարկվել Հայաստանի կառավարություն: Եվ դրանք հաշվի չառնել նույնպես Փաշինյանը չի կարող:

Մանավանդ հայ հասարակության բացարձակ մեծամասնությունը նույնպես չի խրախուսում այս հիվանդագին արշավը:

Արեգ Մարգարյան