«Արցախցիների իրավունքների պաշտպանության» խորհրդի անդամ Ապրես Մարգարյանը հայտարարեց, որ խորհուրդը որոշում է կայացրել այս փուլում դադարեցնել փողոցային պայքարն ու նստացույցը։
Մարգարյանի խոսքով՝ խորհուրդը պատրաստվում է վերակազմավորվել և աշխատել նոր ձևաչափով։ Նրա խոսքով՝ ներկայիս իրավիճակը պահանջում է նոր մոտեցումներ և մեթոդներ, որպեսզի կարողանան շարունակել պայքարը առավել արդյունավետ եղանակներով։
Խոսելով հանրային ներգրավվածության մասին՝ Մարգարյանը նշեց, որ կառավարությունից անուղղակիորեն փոխանցվում է միտքը, թե քանի որ արցախցիները քիչ են մասնակցել հանրահավաքներին, հետևաբար իրենց խնդիրները լուծված են։ Սակայն իրականությունը, ըստ նրա, բոլորովին այլ է։
«Պատճառը մարդկանց մեջ եղած հիասթափությունն է։ Արցախահայությունն ուղղակի կորցրել է հավատը։ Բայց եթե լինի հանրային լայն աջակցություն, մենք պատրաստ ենք կրկին առաջնորդել այս պայքարը։ Այս պահին, սակայն, համահայկական օրակարգը բոլորը չեն ընդունում, և դա ևս ազդում է մեր քայլերի վրա»,- հավելեց Ապրես Մարգարյանը։
Բաց մի թողեք
Փետրվարի 12-ի աստղագուշակ․ Կարելի է հիշել վաղեմի նախասիրությունները
«Մի քիչ դիմացեք, գալու եմ, շատ գործեր ունենք միասին անելու». Անդրեաս Անդրեասյանն անմահացել է նոյեմբերի 6-ին. Լուսանկարներ
Փետրվարի 11-ի աստղագուշակ․ Կարող են օգտակար լինել վաղեմի ծանոթությունները