Մի հետաքրքիր օրինաչափություն են նկատել մեր քաղաքացիներից ոմանք․ երբ Նիկոլ Փաշինյանը գնում է արտերկիր` Ալիեւի կամ Էրդողանի հետ հանդիպման, որտեղ ստիպված է խոնարհ հարսի պես պահել իրեն, համաձայնել բոլոր հակահայկական առաջարկներին եւ անգամ սուրճ առաջարկել մեր գիշատիչ հարեւաններին, որոնք ամեն կերպ ստորացնում են նրան, վերադառնալով` այդ նվաստացման «մուռը հանում» է իր երկրից ու ժողովրդից:
Հրապարակ թերթը գրել է․ Անթույլատրելի, գռեհիկ լեքսիկոն, խայտառակ քրեական-քաղաքական հետապնդումներ, Եկեղեցու դեմ արշավ, եկեղեցականների անկողին մտնել, ընդդիմադիրներին ուղղված սպառնալիքներ, ՀՀ նախկին նախագահներին ուղղված վիրավորանքներ ու ոչ կոռեկտ արտահայտություններ, դեմոկրատական արժեքներից իսպառ հրաժարում:
Այս ամենը հոգեբանները բացատրում են դրսում իրեն ուղղված նվաստացումը կոմպենսացնելու ձգտումով, երբ իրենից ավելի ուժեղի առաջ խեղճանում է, իսկ իրենից ավելի թույլերի, իրենից կախում ունեցող մարդկանց վրա ինքնահաստատվում:
Եվ այդ ամենն արվում է մահապարտի հուսահատությամբ, իր երկրի հանդեպ մեծ ատելությամբ, իր հետ չհամաձայնողների նկատմամբ վրեժի անհագ զգացումով, ամեն ինչ ջնջելու, ոչնչացնելու խելահեղ եռանդով: Ես չգիտեմ` իր կողքին արդյոք մնացե՞լ է առողջ մտածող 1-2 մարդ, որոնք զգուշացնեն, հետ պահեն այդ ծայրահեղ քայլերից:
Մնացել են, բայց ինքը չի՞ լսում, թե՞ ուղղակի ոչնչացրել է բոլորին եւ իրեն շրջապատել է իր ամենավտանգավոր քայլերին անգամ ծափահարող ստրուկների բազմությամբ: Ի վերջո, այսօր բոլորին մի հարց է հուզում` այս մարդն ու իր շրջապատը կորցրե՞լ են ադեկվատության վերջին նշույլները, թե՞ սա մեր թշնամիների կաբինետներում մշակված կուռ ծրագիր է, որը ստանձնել է իրականացնել իր հայրենիքին դավաճանած մարդկանց այս փոքրիկ խմբակը:
Բաց մի թողեք
Ինչու են համայն աշխարհի հրեական ռաբբիներ հոկտեմբերի վերջին հավաքվում Բաքվում
Թուրքիայի արտգործնախարար Ֆիդանն ինչ էր ուզում ասել, ինչ ակնկալիքներ ունի Հայաստանից
Փաշինյանի հերթական խաղը՝ բոլորին մշտապես լարվածության ու վերահսկողության տակ պահելու համար