Վթար է տեղի ունեցել Աբովյան փողոցում. 14 համարի ավտոբուսը հարվածել է Աբովյան քաղաքը սպասարկող «Մուլտիտրանս» ընկերության մեքենային, որն ընթացքի պահին կտրուկ արգելակել է, և 14 համարի ավտոբուսը հարվածել է նրան։
Արդյունքում մեկ քաղաքացի տեղափոխվել է հիվանդանոց։
«Որևէ ծանր վնասվածք չունի, տեղափոխել են հիվանդանոց, ես էլ եկել եմ տեսակցության։ Հիմա ԿՏ էլ կանեն, ու ուղևորը կգնա տուն»,- ասել է «Երևան ավտոբուս» ՓԲԸ-ի մամուլի խոսնակ Գեղամ Ասատրյանը։
Նա տեղեկացրեց, որ նման բոլոր դեպքերում ուղևորների բուժզննման ծախսերը հոգում են իրենք՝ ապահովագրության հաշվին։
***
Հուլիսի 31-ին արտակարգ դեպք է տեղի ունեցել Երևանում։
Ժամը 15:45 սահմաններում Ագաթանգեղոս փողոցի և Տիգրան Մեծ պողոտայի խաչմերուկում Երևանի բնակիչ 32-ամյա Սուրեն Ս․-ն իր վարած թիվ 2 երթուղին սպասարկող տրոլեյբուսով բախվել է հետիոտնային լուսացույցի լարերին, ինչի հետևանքով այն ընկել է Կոտայքի մարզի բնակիչ 28-ամյա Մուշեղ Մ․-ի վարած «Opel» մակնիշի ավտոմեքենայի վրա։
Լուսացույցի ընկնելու հետևանքով տուժածներ չկան։
Դեպքի փաստով ՊԾ Երևան քաղաքի գնդի 3-րդ գումարտակում փաստաթղթեր են կազմվում։
Բաց մի թողեք
Արտակարգ իրավիճակ՝ Երևանում, կամրջի տակ առաջացած «մինի լճակը» իսկական պատուհաս էր վարորդների համար․ Լուսանկար
Եվրոպական խորհրդարանը բացում է ճանապարհը ապաստան հայցողներին այլ երկրներ տեղափոխելու համար
Արտակարգ իրավիճակ Երևանի Դավիթ Բեկի պողոտայում․ մարդաբոյ փոսերը 25-ից ավելի մեքենաների անվադողերն են պայթեցրել․ Լուսանկար