Եվրոպայի խորհրդի ղեկավար Անտոնիու Կոշտան սոցկայքի իր էջում գրել է, որ առաջիկայում իր նախաձեռնությամբ հրավիրվել է գագաթնաժողով՝ Գրենլանդիայի հարցում։
«Հաշվի առնելով վերջին իրադարձությունների կարեւորությունը եւ հետագա քայլերը կոորդինացնելու համար՝ որոշում եմ կայացրել առաջիկա օրերին հրավիրել Եվրոպայի խորհրդի արտահերթ նիստ»,- գրել է Կոշտան։ Նա նման որոշում կայացրել է նախօրեին՝ Բրյուսելում ԵՄ անդամ երկրների դեսպանների հետ հանդիպումից հետո։
Գագաթնաժողովը կարող է տեղի ունենալ հինգշաբթի՝ հունվարի 22-ին։ Ընդ որում, ԵՄ անդամ երկրների ղեկավարները պետք է անձամբ մասնակցեն այդ գագաթնաժողովին։ Նշենք, որ Եվրոպայում սպասում են, թե ինչ է լինելու Միացյալ Նահանգների՝ Գրենլանդիայի նկատմամբ ներկայացրած պահանջների հետ կապված, որպեսզի հասկանան, թե ինչպես են արձագանքելու։
Բաց մի թողեք
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ
Փարիզում թալանված խանութի տերը՝ հարձակման զոհ. «10 տարվա աշխատանքս ավերված է, երեք օր է՝ չեմ քնել»
Խոստովանեց՝ Թուրքիան առաջվանը չէ