Ներկայացուցիչների պալատի 215 անդամ հաստատել է Իրանի դեմ նախագահ Թրամփի պատերազմական լիազորությունները սահմանափակող բանաձևը։
208 օրենսդիր քվեարկել է դրա դեմ: 4 Հանրապետական քվեարկել է Դեմոկրատների հետ։ Հանրապետական դասալիքների թվում են եղել Կենտուկիից Թոմաս Մասին, Փենսիլվանիայից Բրայան Ֆիցպատրիկը, Օհայոյից Ուորեն Դեւիդսոնը և Միչիգանից Թոմ Բարեթը։
ԱՄՆ Ներկայացուցիչների պալատը ընդունել է բանաձև, որը սահմանափակում է նախագահ Դոնալդ Թրամփի Իրանի դեմ պատերազմական լիազորությունները։ Օրենսդիրները աջակցել են այս միջոցառմանը, որը պահանջում է, որ ԱՄՆ նախագահը կա՛մ պետք է ստանա Կոնգրեսի հաստատումը, կա՛մ պետք է դադարեցնի պատերազմը։
Ներկայացուցիչների պալատի արտաքին հարաբերությունների հանձնաժողովի դեմոկրատ անդամները քվեարկությունը գնահատել են որպես «ամերիկյան ժողովրդի կողմից Դոնալդ Թրամփին ուղղված հզոր և միանշանակ ուղերձ»։ «Ժամանակն է վերջ դնել այս անօրինական և խորապես ոչ պոպուլյար պատերազմին», – ասել են նրանք։
«Բավական է», – ասել է Նյու Յորքից կոնգրեսական, Ներկայացուցիչների պալատի արտաքին հարաբերությունների հանձնաժողովի Դեմոկրատ անդամ Գրեգորի Միքսը, որը ղեկավարել է նախաձեռնությունը։
Բաց մի թողեք
Հայտնի է, թե երբ տեղի կունանա Իրանի նախկին գերագույն առաջնորդ Խամենեիի հուղարկավորությունը
Իրանի հետ խաղաղության համաձայնագիրը մոտենում է, Հորմուզի նեղուցի մոտ նոր ռազմական գործողություններ են բռնկվում. Reuters
Զելենսկիի հերթական օրենքն՝ ընդդեմ ռուսաց լեզվի