Ուկրաինայի նախագահ Վլադիմիր Զելենսկին ստորագրել է օրենք, որով ռուսերենը հանվում է Եվրոպական տարածաշրջանային կամ փոքրամասնությունների լեզուների խարտիայով և Ուկրաինայի՝ դրան առնչվող պարտավորություններով պաշտպանված լեզուների ցանկից։
Այս մասին հայտարարել է Գերագույն ռադայի խոսնակ Ռուսլան Ստեֆանչուկը, նրա խոսքերը մեջբերում է Եվրոպեյսկայա պրավդա»-ն։
«Սա կարևոր որոշում է ուկրաինական լեզվական տարածքի պաշտպանության և մեր եվրոպական պարտավորությունների կատարման համար։ Ռուսերենը հանվել է այն լեզուների ցանկից, որոնց նկատմամբ Ուկրաինան կիրառում է Հռչակագրի դրույթները։ Սա արդար և տրամաբանական որոշում է։ Ագրեսոր պետության լեզուն չի կարող օգտվել բնիկ ժողովուրդների և ազգային համայնքների լեզուները աջակցելու համար ստեղծված պաշտպանության գործիքներից», – հայտարարել է Ստեֆանչուկը։
Նա ընդգծել է, որ Ուկրաինան հարգում է լեզվական և մշակութային բազմազանությունը, բայց անհրաժեշտ է համարում վերացնել ռուսական ազդեցության հնարավորությունը այս ոլորտում․ «Այս որոշումը վերաբերում է Ուկրաինայի արժանապատվությանը, արդարադատությանը և լեզվական անվտանգությանը»։
Մոսկվան արդեն արձագանքել է աղմկահարույց որոշմանը։ ՌԴ ԱԳՆ պաշտոնական ներկայացուցիչ Մարիա Զախարովան այն անվանել է «նեոնացիզմ գործողության մեջ»։


Բաց մի թողեք
Որտե՞ղ է Կարոլինը։ Գերմանական լեռներում երիտասարդ կին է անհետացել. արդեն մի քանի շաբաթ է՝ նրանից ոչ մի հետք չկա
Արքայազն Հարին Ուկրաինա կատարած անակնկալ այցի ժամանակ ասել է․ «Դուք հաղթելու եք»
Էստոնիան փակում է Ռուսաստանի հետ սահմանը՝ պաշտպանական ընկերության դեմ իրականացված «դիվերսիոն հարձակումից» հետո