ԱՄՆ նախագահի աշխատակազմում սկսել են Իսրայելի ընդդիմության հետ ոչ պաշտոնական կապի ոչ պաշտոնական խողովակներ հաստատել։ Այդ մասին հայտնել է Իսրայելի հեռուստատեսության 12-րդ ալիքը, գրել է Israel Inside-ը։
Ըստ չճշտված տեղեկությունների, շփումների համար ամերիկյան կողմը կանգ է առել նախկին վարչապետ Նաֆթալի Բենետի և բանակի Գլխավոր շտաբի պետ Գադի Այզենկոտի թեկնածության վրա։
Ուշագրավ է, որ թե Բենետը, թե Այզենկոտը հանդես են եկել իրանա-ամերիկյան «փոխըմբռնման մասին հուշագրի» սուր քննադատությամբ, բայց մեղադրանքները հիմնականում հասցեագրել են Իսրայելի վարչապետ Բենիամին Նաթանյահուին։ Իսրայելում ոչ ուշ, քան ընթացիկ տարվա հոկտեմբերին պետք է խորհրդարանական ընտրություններ անցկացվեն։
Ըստ Israel Inside-ի, ԱՄՆ-ում «մտահոգված են Նաթանյահուի կառավարության կազմում աջ արմատական նախարարների դիրքորոշմամբ»։ Մասնավորապես «տագնապահարույց» է գնահատվել Ազգային անվտանգության նախարար Բեն-Գրիվի սոցցանցային գրառումը, որտեղ նա սպառնացել է, որ «ամբողջ Լիբանանը կհրդեհվի»։
Լիբանանի հարավում և Բեյրութի արվարձաններում իսրայելական բանակի վերջին գործողությունները պատճառ են հանդիսացել, որպեսզի իրանա-ամերիկյան բանակցությունները հետաձգվեն։ Հունիսի 20-ին հայտնի է դարձել, որ «ճգնաժամը հաղթահարված» է, կողմերի պատվիարակությունները «մեկնել են Շվեյցարիա»։
Դա տեղի է ունեցել այն բանից հետո, երբ Իսրայելի վարչապետ Նաթանյահուն բանակին հրամայել է կրակը դադարեցնել։ Իսրայելի վարչապետը, սակայն, սպառնացել է մարտական գործողությունները վերսկսել, եթե «Հըզբալա»-ն Իսրայելի ուղղությամբ «գեթ մեկ հրթիռ արձակի կամ անօդաչու կիրառի»։
Շվեյցարիա են մեկնել նաև Կատարի և Պակիստանի պատվիրակությունները։ Ըստ տեղեկությունների, Իրանի պատվիրակությունը գլխավորելու է արտաքին գործերի նախարար Աբաս Արաղչին։ Շվեյցարիա է մեկնել նաև խորհրդարանի խոսնակ Ղալիբաֆը։
Նա, ամենայն հավանականությամբ, կսպասի ԱՄՆ փոխնախագահ Վենսին։ Վերջինս չի բացառել, որ «կարող է միանալ բանակցություններին»։ Պակիստանի արտգործնախարար Դարը մեկնարկելիք բանակցությունները գնահատել է «տեխնիկական»։
Ըստ երևույթին, դրանք «բանակցություններ են բանակցություններ սկսելու պայմանների մասին»։
Բաց մի թողեք
Կենրոնական Ասիան ընդդեմ պուտինյան Ռուսաստանի
Մոսկվայի սպառնալիքը Հայաստանի հանդեպ կոնկրետ և հասցեական է
«Հայ մեծահարուստն ունի մասնավոր գազանանոց. այժմ ցանկանում է Հիսուսի՝ աշխարհի ամենամեծ արձանը»