Ադրբեջանի նախագահ Իլհամ Ալիևը հայտարարել է, որ Ուկրաինան չպետք է համակարվի իր տարածքների օկուպացիայի հետ՝ ընդգծելով, որ Ադրբեջանը անսասանորեն աջակցում է Ուկրաինայի տարածքային ամբողջականությանը։
Նա այս հայտարարությունն արել է օկուպացված հայկական Շուշիի 4-րդ գլոբալ մեդիա ֆորումի բացման ժամանակ՝ պատասխանելով ուկրաինացի լրագրող Դմիտրի Գորդոնի հարցին, փոխանցում են այդ երկրի ԶԼՄ-ները։
Ալիևը հայտարարել է, որ ուկրաինացի ժողովուրդը և ղեկավարությունը իր խորհրդի կարիքը չունեն, բայց իր դիրքորոշումը մնում է անփոփոխ. Ուկրաինան չպետք է հանդուրժի օկուպացիան։
Նախագահը նշել է, որ Կիևի վրա ճնշում է գործադրվել երկար ժամանակ, բայց ո՛չ Ուկրաինայի իշխանությունները, ո՛չ էլ ժողովուրդը չեն համաձայնել ընդունել օկուպացիան։
Ալիևը ընդգծել է, որ ինքը խոսում է որպես մի պետության առաջնորդ, որը «գրեթե 30 տարի ապրել է իր տարածքի մի մասի օկուպացիայի տակ, ապա վերականգնել է իր ինքնիշխանությունը»։
Նա պնդել է, թե «ղարաբաղյան հակամարտության ժամանակ միջազգային միջնորդները Ադրբեջանին առաջարկել են փոխզիջումային լուծումներ, սակայն Բաքուն մերժել է դրանք, քանի որ դրանք հակասում են երկրի տարածքային ամբողջականության սկզբունքին»։
Ալիևի խոսքով՝ «Ադրբեջանը նույնպես զգալի միջազգային ճնշման է ենթարկվել Երկրորդ ղարաբաղյան պատերազմի ժամանակ, բայց ժողովրդի կամքը չի կարող կոտրվել»։
Նա նշել է, որ Ադրբեջանը միշտ կաջակցի Ուկրաինայի տարածքային ամբողջականությանը և կպահպանի հետևողական դիրքորոշում այս հարցում։
Բաց մի թողեք
Էյ, Իլոն, մեծ մարդ, դու նորից քաղաքականությո՞ւն ես խաղում քո արտադրանքի հետ․ Լեհաստանի ԱԳ նախարար
Սկանդալային վարքագծով ԱՄՆ դեսպանը հրաժարական կտա. Լուսանկար
ԵՄ-ն կպահանջի պաղեստինյան ընտրություններ անցկացնել «2027-ի սկզբին»