Ռուսաստանը Գերմանիայի հետ որևէ պաշտոնական բանակցություններ չի վարել ուկրաինական հակամարտության կարգավորման վերաբերյալ։
Ռուսաստանի փոխարտգործնախարար Միխայիլ Գալուզինը այս մասին հայտարարել է ՏԱՍՍ-ին տված հարցազրույցում։
«Գերմանիայի հետ ուկրաինական կարգավորման վերաբերյալ պաշտոնական շփումներ չեն եղել և չկան, և քիչ հավանական է, որ դրանք հնարավոր լինեն՝ հաշվի առնելով Գերմանիայի քաղաքական ղեկավարության կողմից չափազանց ագրեսիվ հակառուսական հռետորաբանությունը և ձեռնարկված գործնական քայլերը», – նշել է փոխնախարարը։
Գալուզինը նաև նշել է, որ հասարակական խմբերի ներկայացուցիչների միջև ոչ պաշտոնական շփումներ են տեղի ունեցել։ «Ինչ վերաբերում է ռուսական և գերմանական տարբեր հասարակական կազմակերպությունների ներկայացուցիչների միջև ոչ պաշտոնական հանդիպումներին, դրանք եղել են և շարունակվում են», – ընդգծել է ռուս դիվանագետը։
Ավելի վաղ Ադրբեջանի նախագահ Իլհամ Ալիևը հայտնել էր, որ Բաքվում, իբր, տեղի են ունեցել Ռուսաստանի և Գերմանիայի ներկայացուցիչների միջև ուկրաինական կարգավորման վերաբերյալ շփումներ։
Բաց մի թողեք
Իրավունքը պաշտպանում է ոչ թե գողական կամ քրեական հեղինակությունը, այլ Հանրապետությունը
TRIPP-ի գլխավոր փորձությունն այժմ քաղաքական ձևակերպումներից չափելի տնտեսական արդյունքի անցնելն է
Բանակի արդիականացման ամենակարևոր չափանիշը առօրյա ծառայության որակն է