«Եվրոպական հանձնաժողովի կողմից Հայաստանի հետ անվիզա ռեժիմի մտցման կոնկրետ ժամկետները հաստատելուց հրաժարվելը ցույց է տալիս հանրապետության «եվրոպական ապագայի» մասին Բրյուսելի խոստումների պատրանքային լինելը»:
Այս մասին «Известия»-ի հետ հարցազրույցում հայտարարել է ՌԴ ԱԳ փոխնախարար Միխայիլ Գալուզինը. «Բոլորովին վերջերս Եվրոպական հանձնաժողովում, ըստ էության, ուղղակի տեքստով հերքեցին Նիկոլ Փաշինյանի խոսքերը՝ մինչև 2029 թվականը վիզային ռեժիմի ազատականացման հասնելու մասին: Դա ընդգծում է «հիասքանչ եվրոպական ապագայի» խոստումների ամբողջ պատրանքայնությունը և հայկական պետության նկատմամբ Բրյուսելի ուտիլիտար ընկալումը»։
Նրա խոսքով՝ Մոսկվայում կարծում են, որ եվրոպական երկրները Հայաստանին ընկալում են առաջին հերթին սեփական տնտեսական և քաղաքական շահերի տեսանկյունից։
«Իրենց խնամյալների մեջ եվրոպացիները տեսնում են միայն ռեսուրսների, աշխատուժի աղբյուր, ինչպես նաև լիովին ապաարդյունաբերականացված իրենց սեփական ապրանքների և ծառայությունների իրացման շուկա, այդ թվում՝ անվտանգության ապահովման, որոնց համար ստիպված են բոլոր իմաստներով թանկ վճարել»,- հավելել է Գալուզինը։
Նիկոլ Փաշինյանն ավելի վաղ 2029 թվականն անվանել էր Եվրամիության հետ անվիզա ռեժիմի հաստատման հնարավոր ուղեցույց: Եվրոպական հանձնաժողովում էլ հայտարարել են, որ գործընթացի ավարտի կոնկրետ ամսաթվի մասին խոսելն դեռևս վաղաժամ է։
Բաց մի թողեք
Թրամփի և Պուտինի «սարսափելի» դաշինքը սպառնում է թուլացնել ԵՄ-ի վճռականությունը Ուկրաինայի հարցում
Ալիևի ցինիզմը. «Այդ հայերն այժմ ադրբեջանական թեյ են խմում մեր բանտերում, իսկ նախկինները դեռևս չեն պատժվել»
Առանց Զելենսկու․ Թրամփն անցել է լուրջ «գրոհի»