«Հրապարակի» հարցերին պատասխանում է ԱԺ նախկին պատգամավոր Արմենուհի Կյուրեղյանը:
– Անկախությունից ի վեր առաջին անգամ Ազգային ժողովն իր աշխատանքները սկսեց առանց Վեհափառի օրհնության։ Ամենայն հայոց կաթողիկոս Գարեգին Բ-ին հրավեր չէր ուղարկվել, իսկ ՔՊ-ական ուսապարկերը հայտարարում են, որ իրենք Գարեգին Բ-ին չեն համարում վեհափառ: Նիստը վարող Կնյազ Հասանովն էլ ասում էր, որ Վեհափառին որեւէ մեկը չի արգելել՝ գալ խորհրդարան, նա կարող էր գալ իր նախաձեռնությամբ: Ի՞նչ գնահատական կտաք այս ամենին:
– Պետք չէ զարմանալ ՔՊ-ականների այդ վերաբերմունքից, որն ուղղված է Հայ առաքելական եկեղեցուն, հատկապես` Վեհափառին: Նրանք մինչ այս այնպիսի քայլեր են թույլ տվել Եկեղեցու նկատմամբ, որ այս մոտեցումը շատ սպասելի էր: Այն, ինչ իրենց ղեկավարի կապրիզն է, դա իրենց համար օրենք է: Այս մարդկանց համար սահմանադրական պահանջն առաջնային չէ, առաջնային են իրենց վարչապետիկի կապրիզը, ցանկությունը, իսկ նրա ցանկությունն այն է, որ կաթողիկոսն ԱԺ մուտք չգործի եւ օրենքի պահանջը չկատարի: Սրանց կողմից ամեն բան սպասելի է: Ամսի 7-ին կաթողիկոսի դատավարությունն է լինելու: Ցավալի է, բայց այս որակի մարդիկ որոշումներ կայացնելիս դեռ մեծամասնություն են կազմում:
– Իսկ ի՞նչ կասեք ԱԺ 9-րդ գումարման նիստերի մասին: Հետեւո՞ւմ եք: Ռուբեն Ռուբինյանը համերաշխության կոչ արեց ընդդիմությանը, սակայն ատելության խոսք տարածելու առաջամարտիկ Տարոն Չախոյանը, որն ԱԺ է բերվել հատուկ ընդդիմությանը սադրելու նպատակով, արդեն քանի օր է՝ վիրավորում է, եւ այդ ամենը որեւէ հետեւանք չի ունենում:
– Ռուբեն Ռուբինյանը թեպետ համերաշխության կոչ արեց, սակայն նրա հիմնական ուղերձն այն էր, որ ունենք այն, ինչ ունենք, որ, այո` հանձնել ենք, հանձնում ենք եւ հանձնելու ենք, բայց եկեք իրար հետ բարեկիրթ ձեւով աշխատենք, այսինքն` բարեկրթորեն եկեք հանձնենք մեր հայրենիքի սահմանները: Այն, ինչ դեռ չենք հանձնել, եկեք միասին հանձնենք․ դա էր նրա ասածը:
– Բայց մի ՔՊ-ական կին պատգամավոր պնդում էր, որ իրենք ոչինչ չեն հանձնել, հավանաբար, Արցախն ինքն իրեն է հանձնվել, Կիրանցի, Ջերմուկի տարածքները՝ եւս….
– Նրանց մեջ կան մարդիկ, ովքեր հենց ամենասկզբից համարել են, որ Արցախը մերը չի եղել երբեք: Դա իրենց հավատամքն է: Հետեւաբար, իրենց տրամաբանությամբ, եթե Արցախը մերը չի եղել, ուրեմն չենք էլ հանձնել: ՔՊ-ականների մեջ շատ են այնպիսիները, որոնք իրենց էությամբ նման մտածողություն ունեն, բնական է, որ այդ տեսակն այլ կերպ չէր կարող մտածել, թեպետ նրանք ինձ համար չափանիշ չեն: Այդ մարդիկ ի սկզբանե ազգային մտածողությունից զուրկ են եղել եւ Ազգային ժողովում հայտնվել են հենց դրա համար:
– Թե՛ իշխանական, թե՛ ընդդիմադիր ֆրակցիաներում նորաթուխ եւ անփորձ պատգամավորներ են հայտնվել: Ի՞նչ կարծիք ունեք նրանց մասին: Ի՞նչ եք կարծում՝ 9-րդ գումարման ԱԺ-ն ինչպիսի՞ն է:
– Նորմալ երեւույթ է, որ կազմը փոխվել է, ավելին` աննորմալ կլիներ, որ նախորդ գումարման ԱԺ-ի կազմն ամբողջապես պահպանվեր: Սերնդափոխություն է պետք, նոր մոտեցումներ են հարկավոր, սակայն այստեղ կարեւորն այն է, թե ինչ գաղափարախոսություն ունեցող մարդիկ են եկել խորհրդարան: Լսեցի մի ՔՊ-ական կնոջ, որը կրթահամալիրի տնօրեն է եղել, եւ այդ կինն ասում է, որ ինքը ոչ մի կերպ չի ընդունել կաթողիկոսին որպես կաթողիկոս եւ այլն: Միայն նման մտածողություն ունեցող մարդիկ կարող են ՔՊ-ի շարքերը համալրել, եթե այդպես չմտածեին, նրանց մանդատ չէին տա: Ցավոք սրտի, ԱԺ պատգամավորների փոփոխությունը որեւէ կերպ մեր պետությանն օգուտ չի տալու, որովհետեւ ՔՊ-ն մնացել է ՔՊ: Նոր դեմքերով, սակայն իրենց հակազգային մտածողությամբ:
Բաց մի թողեք
«Մուլտի վելնեսը» եթե անօրինական էր, անունը փոխեցին՝ դարձավ օրինակա՞ն
Նիկոլին վերցնեն՝ Պետրոսը կշահի (Լրագրային շանսոն)
Եթե ոչ մի բան չգիտես, Ազգային ժողովում ի՞նչ ես անում Հռիփսիմե Գրիգորյան․ Լուսանկար