14/04/2024

ChatGPT-ն առանց գրանցման հասանելի է բոլոր օգտատերերի համար․ Լուսանկար

OpenAI-ն իր ChatGPT չաթբոտը հասանելի է դարձրել բոլոր օգտատերերի համար՝ առանց գրանցվելու անհրաժեշտության:

Առանց գրանցման մուտքն օգտատերերի համար աստիճանաբար սկսեց բացվել ապրիլի 1-ից։ Այդուամենայնիվ, հաշիվ ունենալն օգտատերերին բազմաթիվ առավելություններ կտա, ինչպիսիք են չաթի պատմությունը պահելու և դիտելու, դրանք կիսելու, չաթբոտի հետ ձայնային հաղորդագրությունների միջոցով շփվելու և հատուկ հրահանգների օգտագործման հնարավորությունը:

Ընկերությունը բացատրել է, որ ձգտում է նման գործիքները հասանելի դարձնել ավելի լայն լսարանի համար, որպեսզի մարդիկ կարողանան զգալ արհեստական ​​բանականության առավելությունները:

ChatGPT-ն գործարկվել է 2022 թվականի նոյեմբերի 30-ին։ Այժմ, ըստ OpenAI-ի, այն շաբաթական կտրվածքով 185 երկրում օգտագործում է մինչև 100 միլիոն մարդ: