Բարձր տեխնոլոգիաների արդյունաբերության նախարար Մխիթար Հայրապետյանն անդրադարձավ ՀՀ և ՌԴ կառավարությունների միջեւ 2020-ին ստորագրած զանգվածային հեռահաղորդակցության ոլորտում համագործակցության մասին համաձայնագրին։ Ի դեպ, նոր համաձայնագիրը ՀՀ նոր կառավարության ու ՌԴ միջև կնքվել է 2020 թ․ դեկտեմբերի վերջին, այսինքն՝ 44-օրյա պատերազմից անմիջապես հետո ․․․
ԲՏԱ նախարարն ասաց, որ համաձայնագրում հստակ նշված է՝ ինչ չի կարելի հնչեցնել հեռարձակման կամ եթերի ընթացքում այն հեռուստաալիքներում, որոնք գտնվում են հանրային մուլտիպլեքսում։ Իսկ ՀՀ հանրային մուլտիպլեքսում հեռարձակվում է ռուսական երեք ալիք, մինչդեռ ՌԴ-ում հայկական հանրային հեռուստաընկերությունը չի հեռարձակվում:
ԲՏԱ նախարարի խոսքով՝ փաստաթղթում նշված են խաղի կանոնները, բայց այդ կանոնների խախտման դեպքում սանկցիայի որեւէ մեխանիզմ չկա եւ հայկական կողմը փաստաթուղթը ստորագրելիս ակնկալել է, որ խնդիրները կկարգավորվեն խորհրդակցություններով։ Խորհրդակցությունների ժամանակ ի հայտ են եկել տարընկալումներ սանկցիաների, այս կամ այն հայտարարության վերաբերյալ, ասենք՝ դա խոսքի ազատության դրսեւորո՞ւմ է, թե՞ դրույթների խախտում․ «Տխրությամբ պիտի ասեմ, որ կոնսուլտացիաների մեր երկու փորձերից հետո չենք կարողացել գալ կոնսենսուսի, որ այս կամ այն արտահայտություն էքսպերտի կամ լրագրողի խախտում է։ Արձանագրել ենք, որ տարբեր կերպ ենք պատկերացնում այն ձեւակերպումները, որոնք համաձայնագրում տեղ են գտել 2020-ին, եւ հարց բարձրացրել՝ արդյոք չկա՞ անհրաժեշտություն համաձայնագիրը խմբագրելու, քանի որ այն դրույթները, որոնք տեղ են գտել փաստաթղթում, չեն աշխատում»։
Բաց մի թողեք
ԶՊՄԿ-ն կրկին առաջինն է 1000 խոշոր հարկատուների ցուցակում. որքան գումար է կոմբինատը վճարել բյուջե
Նպաստել ֆինանսական գրագիտության բարձրացմանը․ մեկնարկել է Freedom Academy-ն. Լուսանկարներ
ՀՀ օդանավակայաններում և սահմանային անցակետերում իրականացված հետազոտության արդյունքների ամփոփումը, հետաքրքիր քննարկում ստացվեց