19/02/2025

ՀՀ-ում ԵՄ առաքելությունը Եղեգնաձորում ընդունել է Նիդերլանդների ոստիկանության պատվիրակությանը

Հայաստանում Եվրոպական միության դիտորդական առաքելությունը Եղեգնաձոր քաղաքում ընդունել է Նիդերլանդների ոստիկանության պատվիրակության անդամներին։

Այս մասին նշվում է ՀՀ-ում ԵՄ առաքելության «X»-ի միկրոբլոգում արված գրառման մեջ։

«Ուրախ ենք այսօր Եղեգնաձորում ողջունել Նիդեռլանդների ոստիկանության պատվիրակությանը: Լավ քննարկումներ ունեցանք Հայաստանում Եվրոպական միության առաքելության մանդատի և տեղում իրականացվող գործունեության վերաբերյալ»,- նշել է առաքելությունն իր գրառման մեջ՝ շնորհակալություն հայտնելով Նիդերլանդներին առաքելությանը ցուցաբերվող շարունակական աջակցության համար: