Ազգային ժողովի «Հայաստան» խմբակցության ղեկավար Սեյրան Օհանյանը 2024 թվականի մայիսի 24-ին Կոռուպցիայի կանխարգելման հանձնաժողով է ներկայացրել 2023 թվականի իր գույքի և եկամուտների տարեկան հայտարարագիրը:
Ըստ այդմ՝ վերջինս միանձնյա սեփականությամբ չորս բնակարան ունի Կոտայքի մարզի Մրգաշեն համայնքում, որոնցից մեկը ձեռք է բերել 2021 թվականին, իսկ մնացածը՝ 1991-ին։
Նույն համայնքում նա ունի համատեղ սեփականությամբ 1984 թվականին ձեռք բերած ևս մեկ հողամաս, ինչպես նաև նույն թվականին ձեռք բերած համատեղ սեփականությամբ շինություններ:
Երևանի Աջափնյակ վարչական շրջանում էլ Օհանյանն ունի հողամաս և անհատական բնակելի տուն:
Որպես շարժական գույք «Հայաստան» խմբակցության ղեկավարը հայտարարագրել է 2013 թվականի արտադրության «Տոյոտա» մակնիշի ավտոմեքենա։
Պաշպանության նախարարի հայտարարագրած դրամական միջոցները տարեսկզբին կազմել են զրո դրամ։ Տարեվերջին՝ դարձել 1 միլիոն դրամ։
Օհանյանի տարեկան եկամուտը եղել է 10 միլիոն 297 հազար 310 դրամ, որը նա ստացել է Ազգային ժողովից՝ որպես աշխատավարձ։
Վերջինս 10 միլիոն 202 հազար 220.3 դրամի չափով վարկ ունի։
Սեյրան Օհանյանի կինը՝ Ռուզաննա Խաչատրյանը, նույնպես ներկայացրել է 2023 թվականի իր գույքի և եկամուտների տարեկան հայտարարագիրը:
Ըստ այդմ՝ նա հայտարարագրել է 2009 թվականի արտադրության «Լեքսուս» մակնիշի ավտոմեքենա, որը տարեվերջին պահպանվել է։
Որպես դրամական միջոց՝ Խաչատրյանը ներկայացրել է 982 դրամ, որը տարեվերջին չի պահպանվել։ Խաչատրյանն ունի վարկ, որի վճարման արժեքը կազմել է 5 միլիոն 880 հազար 751.34 դրամ։
Բաց մի թողեք
Ֆրանսիան դառնում է Եվրոպայում առաջին երկիրը, որը պաշտոնապես արգելում է սոցիալական ցանցերը 15 տարեկանից փոքրերի համար
Կյանքից հեռացած զինծառայող Նարեկ Թորոսյանը Չարենցավանից էր, շատ խելացի, համեստ տղա էր․ Լուսանկար
«Սամվելը սիրում էր կյանքը, սիրված էր շրջապատում, մարդասեր էր իր տեսակով». Սամվել Խաչատրյանն անմահացել է հոկտեմբերի 11-ին Ջրականում. Լուսանկարներ