Այսօր Բրյուսելում ԵՄ անդամ երկրների դեսպանները հավանություն են տվել ԵՄ արտաքին գործերի նախարարների խորհրդի հաջորդ նիստի օրակարգին ու որոշումների նախագծերին, որոնց թվում է նաև Հայաստանի հետ վիզաների ազատականացման շուրջ երկխոսության մեկնարկի՝ Եվրոպական հանձնաժողովի առաջարկը:
Այս մասին արձանագրված է հենց ԵՄ խորհրդի պաշտոնական կայքում: Հենց այստեղից վերցված էլ այսօր որոշ լրատվամիջոցներում տարածվեց տեղեկություն, որ Եվրոպական խորհուրդն ի վերջո հաստատել է Հայաստանի հետ վիզաների ազատականացման շուրջ բանակցություններ սկսելու Եվրահանձնաժողովի առաջարկը:
Ընդգծենք, որ երկխոսության մեկնարկի վերաբերյալ վերջնական որոշման հաստատումն անդամ երկրների ԱԳ նախարարների մակարդակով ԵՄ խորհրդի իրավասությունն է, և այդ ձևաչափով հաջորդ նիստը նախատեսվում է երկուշաբթի՝ հուլիսի 22-ին:
Ինչպես հայտնի է, տարիներ տևած բանակցություններից հետո Եվրամիությունն անդամ բոլոր երկրների դեսպանների մակարդակով ի վերջո հաստատել է Հայաստանի հետ վիզաների ազատականացման շուրջ բանակցություններ սկսելու՝ Եվրահանձնաժողովի առաջարկը:
Հայաստանի հետ վիզաների ազատականացման երկխոսություն սկսելու, ինչպես նաև՝ Հայաստանին Եվրոպական խաղաղության գործիքակազմով աջակցություն տրամադրելու հարցերը ներառվել են Եվրոպական միության արտաքին հարաբերությունների խորհրդի (նախարարների խորհրդի) հուլիսի 22-ի նիստի օրակարգում։
Այս մասին հայտնել է ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը՝ նշելով, որ այդ երկու հարցերի վերաբերյալ որոշումները համապատասխանաբար կկայացվեն այդ օրը։
Բաց մի թողեք
Վճարել խաղի համար Բրյուսելում. Ինչպես լրատվամիջոցների միջոցառումները դարձան լոբբիստական նոր սահման
Թրամփի վարչակազմը առաջարկում է 10 տոկոս սակագին սահմանել Կանադայի, Մեքսիկայի և ԵՄ-ի համար հարկադիր աշխատանքի պատճառով
Գերմանիայի և Ավստրիայի միջև ՄԱԿ-ի Անվտանգության խորհրդում ցանկալի տեղի համար պայքարի շրջանակներում