Ազգային ժողովի «Քաղաքացիական պայմանագիր» խմբակցության պատգամավոր Գուրգեն Արսենյանը, որն ինչպես հայտնի դարձավ, դադարեցնում է պատգամավորական լիազորությունները, 2024 թվականի մայիսի 3-ին Կոռուպցիայի կանխարգելման հանձնաժողով է ներկայացրել 2023 թվականի իր գույքի և եկամուտների տարեկան հայտարարագիրը:
Ըստ այդմ՝ պատգամավորը 17 անշարժ գույք ունի, որոնք բոլորն էլ տարեվերջին պահպանվել են։
Այսպիսով՝ նա Երևանի Արաբկիր վարչական շրջանում միանձնյա սեփականությամբ 1999 թվականին ձեռք բերված հասարակական նշանակության շինություն ունի, նույն թվականին ձեռք բերված միանձնյա սեփականությամբ հողամաս, 2011 թվականին Երևանի Արաբկիր վարչական շրջանում ձեռք բերված միանձնյա սեփականությամբ հողամաս և անհատական բնակելի տուն, ինչպես նաև 2001 թվականին ձեռք բերված միանձնյա սեփականությամբ հողմաս և հողին ամրակայված այլ անշարժ գույք, նույն թվականին գնված միանձնյա սեփականությամբ շինություններ, 2014 թվականին գնված միանձնյա սեփականությամբ հասարակական նշանակության շինություն։
Նրան են պատկանում 2015 թվականին գնված միանձնյա սեփականությամբ երկու հողամաս Կոտայքի մարզի Հրազդան համայնքում, 2009 թվականին ձեռք բերված միանձնյա սեփականությամբ երկու հողամաս Արմավիրի մարզի Նոր Կեսարիա համայնքում, նաև՝ 2014 թվականին Տավուշի մարզի Դիլիջան համայնքում միանձնյա սեփականությամբ հասարակական նշանակության երկու շինություն։
Վերջինս 2006 թվականին ձեռք բերված միանձնյա սեփականությամբ անհատական բնակելի տուն և հողամաս ունի Գյումրիում։
Արսենյանն ունի չորս անշարժ գույք, 2020 թվականին ձեռք բերած 2019 թվականի արտադրության «Բենթլի» մակնիշի ավտոմեքենա, նույն թվականին ձեռք բերած 2018 թվականի արտադրության «Նիսսան» մակնիշի, 2014 թվականին գնած նույն թվականի արտադրության «Ռենջ Ռովեռ» մակնիշի ավտոմեքենաներ, 2015 թվականին ձեռք բերված նույն թվականի արտադրության «Մերսեդես բենս» մակնիշի ավտոմեքենաներ։
Գուրգեն Արսենյանը 1 մլն ռուբլի, 3 հազար 250 ռուբլի, 764 միլիոն 430 հազար դրամ, 26 հազար դրամ, 4 հատ 1 միլիոնական դրամ արժույթով բաժնետոմսեր ունի տարբեր ընկերություններում, որոնց անունները չի բացահայտել։
Վերջինս 300 հազար դոլարի հանձնված և վերադարձված փոխառություններ ունի «Տուրլեոն» ՍՊԸ-ից, 200 հազար դոլար՝ Հովհաննիսյան Արտակ անուն-ազգանունով անձից, 600 հազար դոլար՝ «Վելեա Հոլդինգս»-ից, 1 միլիոն 370 հազար դոլար՝ Արսենյան Բաբկեն անուն-ազգանունով անձից, 8 մլն 800 հազար դրամ «Յունիքորն գրուպ» ՓԲԸ-ից, 400 հազար դոլար, 60 մլն 500 հազար դրամ՝ «Յունիքորն սերվիս» ՍՊԸ-ից։
ՀՀ ԱԺ պատգամավորը 16 թանկարժեք գույք ունի․ մասնավորապես՝ 2020 թվականին գնված 32 մլն 55 հազար 700 դրամ արժեքով ոսկյա ձուլակտոր, 1995 թվականին գնված 300 հազար դոլարի և 70 հազար դոլարի ճաշասենյակի կահույքի հավաքածու, 1998 թվականին գնած 48 հազար դոլար արժեքով արծաթյա սպասքի հավաքածու, 2011 թվականին ձեռք բերված 51 մլն 300 հազար դրամ արժեքով և 2019 թվականին գնած 82 մլն դրամ արժեքով ժամացույցներ, 2010 թվականին գնված 143 մլն դրամ արժեքով նկարների հավաքածու, 6 մլն դրամ արժեքով 2016 թվականին գնած ակոսափող հրացան, ինչպես նաև 2008 թվականին գնված 154 մլն դրամ արժեքով նկարների հավաքածու, 2017 թվականին գնած 5 մլն դրամ արժեքով հեռուստացույց, 2001 թվականին ձեռք բերված 18 մլն դրամ արժեքով հյուրասենյակի կահույքի հավաքածու, նույն թվականին ձեռք բերված 62 մլն դրամ արժեքով ննջասենյակի կահույքի հավաքածու, 2015 թվականին գնած ոսկյա հուշադրամների հավաքածու 18 մլն դրամ արժեքով, 2008 թվականին գնած 8 հազար 500 դոլար արժեքով հեռադիտակ, 1996 թվականին գնված 235 մլն 900 հազար դրամ արժեքով նկարների հավաքածու, 2019 թվականին գնված 110 մլն դրամ արժեքով խոհանոցի կահույքի հավաքածու։
Արսենյանի դրամական միջոցները կազմել են 40 եվրո, 800 հազար 193 դոլար, 32 հազար 571 դրամ, որոնք տարեվերջին դարձել են 0 եվրո, 449 հազար 995.1 դոլար, 4 դրամ։ Կանխիկ միջոցներն են՝ 628 հազար դոլար, 5,5 մլն դրամ, 16 հազար 500 դրամ, որոնք էլ տարեվերջին դարձել են 977 հազար 600 դոլար, 6 մլն 780 հազար դրամ, 58 հազար եվրո։
Նրա տարեկան ընդհանուր եկամուտները կազմել են 14 մլն 443 հազար 370 դրամ, որից 9 մլն 983 հազար 370 դրամը նա ստացել է ՀՀ Ազգային ժողովից՝ որպես աշխատավարձ, 2 մլն 300 հազար դրամ շահաբաժին՝ «Յունիքորն գրուպ»-ից, 2 մլն 160 հազար դրամ՝ վարձակալության դիմաց ստացված վճարը կամ այլ հատուցում «Յունիքորն գրուպ»-ից։
Պատգամավորը մասնակցություն ունի շուրջ 7 կազմակերպություններում․ «Վկրեդիտ 24» ՍՊԸ, «Արսօյլ» ՓԲԸ, «Յունիքորն սերվիս» ՍՊԸ, «Յունիքորն Փրինթ», «Յունիքորն Ֆլորա», «Յունիքորն Քոնսթրաքշըն», «Յունիքորն Գրուպ»։
Գուրգեն Արսենյանը «Միավորված Աշխատանքային կուսակցության» նախագահն է։
Բաց մի թողեք
«Սրբազան պայքար»-ի «բաց խաղաքարտերով» խաղը․ Քոչարյանն ու Սարգսյանը ներկա կգտնվե՞ն սեպտեմբերի 22-ի հավաքին
Պուտինի հետ սիրախաղի դիմաց՝ Թուրքիան կստանա Ղրիմը
Ռուսաստանը հավատարիմ է «Զանգեզուրի միջանցքի» վերաբերյալ Իրանի հետ նախկին պայմանավորվածություններին. Շոյգու