ՔՊ պատգամավորի նոր թեկնածուն չի կողմնորոշվում՝ վերցնե՞լ մանդատը, թե՞ ոչ. Լուսանկար

Երեկ հայտնեցինք, որ ՔՊ-ական պատգամավոր Գուրգեն Արսենյանը վայր է դնում պատգամավորական մանդատը, քանի որ մեկնում է ՌԴ՝ զբաղեցնելու այնտեղ ՀՀ դեսպանի պաշտոնը։

Գրել էինք նաև, որ նրան փոխարինելու է ՔՊ նախընտրական ցուցակի հերթական համարը՝ Արմենուհի Ղազարյանը։

MediaHub-ը նրանից հետաքրքրվեց, թե արդյո՞ք պատրաստվում է վերցնել մանդատը։

«Այդ մասին վաղ է խոսելը, եկեք հետևենք օրենքով սահմանված ընթացակարգերին»,- մեր հարցին ի պատասխան ասաց Ղազարյանը։

Հարցին, թե ինքն ի՞նչ տրամադրվածություն ունի՝ վերցնե՞լ, թե՞ ոչ, մեր ՔՊ-ական զրուցակիցը պատասխանեց՝ Ձեր հարցին արդեն պատասխանեցի։

Նշենք, որ Արմենուհի Ղազարյանը «Nairi kindergarten»-ի հիմնադիր-տնօրենն է, համատեղությամբ նաև տնօրինում է Կ․ Նիկողոսյանի անվան ՄԱԿ ՀՈԱԿ-ում։

Աշխատել է նաև որպես հայոց լեզվի և գրականության ուսուցիչ։