Ադրբեջանի իշխանությունները «պերսոնա նոն գրատա» են հայտարարել Եվրոպայի խորհրդի խորհրդարանական վեհաժողովիբոլոր պատգամավորներին, ովքեր կողմ են քվեարկել կազմակերպությունում Ադրբեջանի պատվիրակության լիազորությունները չվավերացնելու որոշմանը։
Այս մասին հայտարարել է Ադրբեջանի ԱԳՆ մամուլի ծառայության ղեկավար Այխան Հաջիզադեն:
Ըստ Հաջիզադեի, եթե խորհրդարանականները ցանկանան այցելել Ադրբեջան՝ մինչև ԵԽԽՎ-ում ադրբեջանական պատվիրակության լիազորությունների վերականգնումը, նրանց մուտքը կարգելվի։
Ավելի վաղ հայտնել էինք, որ Եվրոպայի խորհրդի խորհրդարանական վեհաժողովը Ադրբեջանի պատվիրակությանը մեկ տարով հեռացրել էր ԵԽԽՎ-ից: ԵԽԽՎ-ում Ադրբեջանի պատվիրակությունը հայտարարել էր, որ դադարեցնում է համագործակցությունը ԵԽԽՎ-ի հետ և լքում է Ստրասբուրգի նստաշրջանը՝ ի նշան երկրի նկատմամբ երկակի ստանդարտների դեմ բողոքի։
Բաց մի թողեք
Բաքուն և Երևանը կարևոր քայլեր են ձեռնարկում խաղաղությունն ամրապնդելու համար․ Հաջիև. Եվ սրան հավատացող կա արդյոք
Ադրբեջան-Ռուսաստան հարաբերությունների ամրության հարցում ոչ ոք չպետք է կասկած ունենա. Օվերչուկ
«Վիճակը» լավ չէ. «նախկինի պես» շարունակել գործելը անհնար է