Ռուսաստանի Դաշնության անվտանգության խորհրդի քարտուղար Սերգեյ Շոյգուն БРИКС և БРИКС+ երկրների անվտանգության հարցերով պատասխանատու բարձր ներկայացուցիչների հանդիպման շրջանակում երկկողմ աշխատանքային հանդիպում է ունեցել Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանի հետ:
Ըստ Mehr-ի՝ Շոյգուն ասել է, որ իր երկիրը հավատարիմ է «Զանգեզուրի միջանցքի» վերաբերյալ Իրանի հետ նախկին պայմանավորվածություններին։
«Ռուսաստանը հավատարիմ է Զանգեզուրի վերաբերյալ Թեհրանի հետ նախկին պայմանավորվածություններին, և Մոսկվայի քաղաքականությունն այս հարցում չի փոխվել»,- մեջբերում է իրանական գործակալությունը Շոյգուի հայտարարությունը։
Ավելի վաղ իրանական լրատվամիջոցները, այդ թվում՝ «Թասնիմ» գործակալությունը, որը մոտ է Իսլամական հեղափոխության պահապանների կորպուսին (ԻՀՊԿ), հայտնել էին՝ Թեհրանը դժգոհ է, որ Ռուսաստանը ակտիվորեն աջակցում է, այսպես կոչված, «Զանգեզուրի միջանցք»-ին: Գործակալությունը հայտնել է, որ Իրանը, որը նախկինում դեմ էր նախագծին, «դիվանագիտական քայլեր է ձեռնարկել ռուսական կողմին համապատասխան ուղերձ փոխանցելու համար»։
Բաց մի թողեք
Բելառուսը զորքերը կենտրոնացնում է Լեհաստանի և Լիտվայի հետ սահմանի մոտ՝ ռազմական վարժանքների շրջանակներում
ԵՄ-ն պահանջում է պարզաբանումներ՝ Ֆրանսիայի կողմից ռուս միլիարդատիրոջ նկատմամբ պատժամիջոցների վերացմանն ուղղված քայլերի ֆոնին
Էլի թշնամանք ու սպառնալիքներ՝ հայերի հասցեին․ ի՞նչ է զառանցել այս անգամ