ԱՄՆ Պետդեպարտամենտի մամուլի քարտուղար Մեթյու Միլլերը հաստատել է Վաշինգտոնի կոչը Բաքվին՝ հարգելու բանտարկյալների իրավունքները։
Ճեպազրույցում նրան հարցրել են ադրբեջանական բանտերում գտնվող հայ ռազմագերիների ու քաղաքական գործիչների ճակատագրի մասին։
Ավելի վաղ ԼՂ նախկին վարչապետ, գործարար և բարերար Ռուբեն Վարդանյանի իրավունքները պաշտպանող ամերիկացի փաստաբան Ջարեդ Գենսերը հայտարարել էր, որ Ադրբեջանը թույլ չի տալիս նրան մուտք գործել Բաքու և հանդիպել այն անձի (Վարդանյանի) հետ, ում նա պետք է պաշտպանի:
«Ինչ վերաբերում է Ադրբեջանում բանտարկյալների կարգավիճակին, մենք, առանց որևէ կոնկրետ դեպքի անդրադառնալու, ինչպես միշտ, հետևողականորեն կոչ ենք անում Ադրբեջանին հարգել երկրի տարածքում գտնվող բոլոր մարդկանց, այդ թվում՝ բանտարկյալ մարդու իրավունքները և հիմնարար ազատությունները։ Դուք տեսել եք, թե ինչպես ենք մենք գործողություններ ձեռնարկում, երբ չենք տեսնում, որ Ադրբեջանը հարգում է մարդու հիմնական իրավունքները Ադրբեջանում, մենք շարունակում ենք վարել այդ քաղաքականությունը»,- ասել է Միլլերը։
Ավելի վաղ հայտնի դարձավ, որ Ռուբեն Վարդանյանին Ադրբեջանում սպառնում է ցմահ ազատազրկում, նրան մոտ 45 հնարավոր մեղադրանք է առաջադրվել: Ավելին, փաստաբանների հասանելիությունը փաստաթղթերին սահմանափակ է, իսկ թարգմանությունը չի տրամադրվում:
Բաց մի թողեք
Ինչ էլ որ պատահի, այս թիմն արդեն կերտել է պատմություն․ առա՛ջ, Արգենտինա․ Մեսսիի ուղերձը
«Դավիթն արդարության և ազնվության հարցերում ոչ մի զիջում չուներ». Դավիթ Գիշյանն անմահացել է 2022 թ. սեպտեմբերի 13-ին Շիկահողի դիրքում. Լուսանկարներ
Օլիմպոսը ձգտում է տեղ գտնել ՅՈՒՆԵՍԿՕ-ի համաշխարհային ժառանգության ցանկում. Լուսանկարներ