Լիտվայի նախագահ Գիտանաս Նաուսեդայի խոսքերը Կալինինգրադի պատկանելության վերաբերյալ վկայում են այն մասին, որ Վիլնյուսը տարածքային պահանջներ ունի Ռուսաստանից։
Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Նրա խոսքով, դա արդարացնում է անվտանգության ապահովման համար Մոսկվայի ձեռնարկած բոլոր միջոցները։
«Լիտվան անբարյացակամ պետություն է մեր երկրի համար, մեր նկատմամբ թշնամաբար տրամադրված պետություն, որը, ի թիվս այլ բաների, ինչպես պարզվում է, ունի տարածքային պահանջներ»,-Կրեմլի խոսնակը:
Ավելի վաղ Նաուսեդան Կալինինգրադն անվանել էր Փոքր Լիտվայի պատմական մաս։
Լատվիայի ազգային անվտանգության հարցերով խորհրդարանական հանձնաժողովը Սեյմի նախագահությանն է ներկայացրել ներգաղթի մասին օրենքում փոփոխությունները, ըստ որոնց՝ Ռուսաստանի, Բելառուսի և ԱՊՀ այլ երկրների քաղաքացիները Լատվիա մտնելուց առաջ պետք է տեղեկատվություն տրամադրեն իրենց ճանապարհորդության մասին, գրում է Delfi-ն։
Օրինագծի հեղինակները նշել են, որ շենգենյան որոշ երկրներ, օրինակ՝ Հունգարիան, մանրակրկիտ ստուգումներ չեն անցկացնում ռուսներին և բելառուսներին վիզաներ տրամադրելիս։
Միաժամանակ Ռիգան կարծում է, որ Ուկրաինայի դեմ ռուսական ագրեսիայի պատճառով Ռուսաստանի և Բելառուսի քաղաքացիները կարող են վտանգ ներկայացնել Լատվիայի անվտանգությանը և իրականացնել հետախուզական գործունեություն։
Նախաձեռնությունն առաջարկում է ռուսաստանցիներին և բելառուսներին, ովքեր պատրաստվում են այցելել Լատվիա, նախօրոք լրացնել հատուկ հարցաթերթիկ՝ նշելով ուղևորության նպատակը, երթուղին, ժամը և գտնվելու վայրը, կոնտակտային տվյալները, ինչպես նաև Ռուսաստանի կառավարության և անվտանգության ուժերի հետ իրենց կապերի մասին տեղեկատվությամբ:
Այս տեղեկատվությունը չտրամադրելու կամ կեղծ տեղեկություններ տրամադրելու դեպքում տուգանք է սահամնված մինչև 2000 եվրոյի չափով: Բացառություն կարվի միայն դիվանագետների և երկիր պաշտոնական կարճաժամկետ այցեր կատարող անձանց համար։
Բաց մի թողեք
ԱՄՆ-ն 90 օրով դադարեցնում է օգնության բոլոր ծրագրերն այլ երկրներին
Ներգաղթյալները կվերադառնան այնտեղ, որտեղից եկել են, ԱՄՆ դրոշը կտեղադրվի Մարսի վրա, կրկին կդառնանք հզոր. Թրամփ
Թրամփը հայտարարել է, որ ԱՄՆ-ում ճանաչվելու է միայն երկու սեռ