Վերջին մի քանի նիստերը հնարավոր է՝ անհետեւանք չմնան նախարար Հակոբ Սիմիդյանի համար

ՔՊ նախաձեռնող խմբի վերջին մի քանի նիստերը հնարավոր է՝ անհետեւանք չմնան Շրջակա միջավայրի նախարար Հակոբ Սիմիդյանի համար եւ վերջինս ազատվի զբաղեցրած պաշտոնից։

Դեռեւս տարեվերջից կուսակցական ակտիվը քննարկում է Սիմիդյանի ղեկավարած ոլորտում առկա թերություններն ու բացթողումները, հիմնական զեկուցողն էլ ՔՊ–ական պատգամավոր Հայկ Սարգսյանն է՝ Շիշ բռնողը, օրեր առաջ՝ հինգշաբթի օրվա նիստին քննարկումն այնքան թեժ է եղել, որ նիստի վերջում կրքերը շիկացել են, ՔՊ–ականները չեն կարողացել կառավարել կրքերը եւ վեճի են բռնվել, որը շարունակվել է կուսակցության կենտրոնական գրասենյակից դուրս՝ Սայաթ–Նովա փողոցի վրա։ Հայկ Սարգսյանը մեղադրանքներ է հնչեցրել գրեթե բոլոր պատասխանատու պաշտոնյաների մասին՝ նախարարից սկսած, վերջացրած Տավուշի մարզպետ Հայկ Ղալումյանով, որը Փաշինյանի քավորն է, ծառահատման սոսկալի պտկերով հատկապես աչքի է ընկնում Տավուշի մարզը, Սարգսյանը ակնարկել է՝ եթե պաշտոնյաները հովանավորչություն չիրականացնեին, անտառահատման ծավալներն այս չափի չէին հասնի, պատգամավորի մեղադրանքները կուլ չի տվել Փաշինյանի քավորը, փոխադարձ կսիթներ, իսկ նիստի ավարտին քաշքշուկ է գրանցվել։

Չնայած իշխանականները շտապեցին հերքել տարածված լուրերը, սակայն մեզ ասացին, որ Սարգսյանի մեղադրանքներն այնքան հիմնավոր եւ փաստարկված են եղել, որ նիստից հետո Փաշինյանը որոշել է  ՔՊ վարչության նիստ գումարել, քննարկել նախարար Սիմիդյանի հարցը, որից հետո որոշում կայացնել նրա պաշտոնավարման հարցով։

Թերեւս այս հանգամանքով է պայմանավորված, որ վերջին օրերին որոշ ՔՊ-ականներ, ի աջակցություն Սիմիդյանի, նրա հետ լուսանկարներ են հրապարակում, այդ կուսակցականների թվում է նաեւ ԱԺ նախագահ Ալեն Սիմոնյանը։ Ի դե, ՔՊ–ում կարծում են, որ Սիմիդյանի աթոռին աչք ունի Հայկ Սարգսյանը։