ՌԴ նախագահի մամուլի խոսնակ Դմիտրի Պեսկովն անդրադարձել է Հայաստանի և ԱՄՆ-ի միջև ստորագրվելիք ռազմավարական գործընկերության փաստաթղթին։
«Հայաստանի ինքնիշխան իրավունքն է՝ զարգացնել հարաբերությունները բոլոր երկրների, այդ թվում ԱՄՆ-ի հետ: ՌԴ-ն բարձր է գնահատում ՀՀ-ի հետ իր հարաբերությունները»,- ասել է Պեսկովը։
«Մենք մեր երկկողմ հարաբերություններն ունենք Հայաստանի հետ։ Մեզ համար թանկ են այդ հարաբերությունները։ Մենք մտադիր ենք դրանք հետագայում ևս զարգացնել»,- ասել է Պեսկովը՝ մեկնաբանելով Հայաստանի և ԱՄՆ-ի միջև այսօր նախատեսված ռազմավարական գործընկերության մասին փաստաթղթի ստորագրումը։
Կրեմլի խոսնակը նաև կարևորել է ինտեգրման գործընթացներում, այդ թվում՝ ԵԱՏՄ շրջանակում երկու երկրների փոխգործակցությունը։ Նրա խոսքով՝ այդ հարաբերությունները Հայաստանի և հայ ժողովրդի համար «զգալի դիվիդենտներ» են ապահովում։
Բաց մի թողեք
Թրամփը կա՛մ «օգտակար հիմար» է, կա՛մ միտումնավոր թուլացնում է Եվրոպան
Հարկերի մսխումը՝ որպես այլանդակ, քստմնելի երևույթ, չունի ներում-բեկում ու վաղեմության ժամկետ
Մտորումներ՝ Թրամփի «Զանգեզուրի միջանցքին» սպասելիս